Baıqaý aıasynda jas ónerpazdar «Qarataý» dástúrli óner mektebinde belgili aıtskerlermen júzdesip, sheberlik synybynan ótti. Tanymal aıtyskerler qatarynda Anar Japparqulova, О́mirjan Kópbosynov, Birjan Baıtýov pen Nurlan Esenqulovtar boldy. «Qarataý» dástúrli óner mektebi jastardy aıtys ónerine de baýlıdy. Jaqynda osy óner ordasynyń jas shákirti «Qola dombyra» aıtysynda jeńimpaz atandy.
Jyr saıysynda respýblıkaǵa belgili aıtyskerler Serikzat Dúısenǵazy, Bekarys Shoıbekov, Jansaıa Mýsına, О́mirjan Kópbosynov, Anar Japparqulovalar qazylyq etti.
Is-sharanyń ashylý saltanatynda sóz sóılegen S.Dúısenǵazy:
«Muhtar Áýezov aıtqandaı, «Aıtys – dala teatry», baıqaýda oqýshylardyń sóz óneri ǵana emes, sahnada ózin-ózi ustaý mádenıeti men akterlik sheberlikteri de synǵa túsedi» dedi.
Jyr dodasynda jaryp shyqqan jas aıtyskerlerge 1 mln men 300 myń teńge arasynda qarjylaı syılyqtar berildi. Bas júldeni shymkenttik Aısha Baqtııar ıelense, birinshi oryndy Qostanaıdan kelgen Nurıslam Ragat jeńip aldy. Ekinshi orynǵa túrkistandyq Meıirjan Bolat pen astanalyq Aıǵanym Maqsutqan ıe boldy. Al, úshinshi oryn Shymkentten qatysqan Islam Álı men Qyzylorda oblysynan kelgen Shyńǵyshan Qarynbaıǵa buıyrdy. Eki jas aqynǵa arnaıy júldeler berilse, qalǵan segiz jas aqynǵa yntalandyrý syılyqtary tabystaldy.
Shymkent
