Bul joba Qazaqstan Respýblıkasy Ǵylym jáne joǵary bilim mınıstrliginiń «Ǵylym ordasy» RMK bastamasymen jáne Qazaqstan Respýblıkasynyń Ystanbul qalasyndaǵy Bas konsýldyǵynyń qoldaýymen alǵash ret júzege asyryldy.
Ekijaqty bastama aıasynda qazaqstandyq tarap kitaphana qoryna 250 dana kitapty syıǵa tartty. Jańa buryshta qazaq ádebıeti, tarıhy, mádenıeti men ǵylymyna arnalǵan basylymdar qoıyldy. Atalǵan eńbekter «Ǵylym ordasy» RMK Ortalyq ǵylymı kitaphanasy, Sh. Sh. Ýálıhanov atyndaǵy Tarıh jáne etnologııa ınstıtýty, sondaı-aq M. O. Áýezov atyndaǵy Ádebıet jáne óner ınstıtýty tarapynan usynyldy.
Aıta ketý kerek, Ortalyq ǵylymı kitaphana – búginde Qazaqstandaǵy eń iri ǵylymı kitaphanalardyń biri, onyń qory shamamen 6 mıllıon saqtaý birligin quraıdy. Ramı kitaphanasynda «Qazaqstannyń ǵylymı-ádebı buryshynyń» ashylýy – qazaq ǵylymy men ádebıetin álemdik keńistikte keńinen tanytýǵa, sondaı-aq Qazaqstan men Túrkııa arasyndaǵy rýhanı baılanystardy nyǵaıtýǵa baǵyttalǵan mańyzdy mádenı bastama.
