Ystanbuldaǵy qazaq ádebıeti buryshy

Ǵylym jáne joǵary bilim mınıstrligine qarasty Ǵylym or­dasynyń bastamasymen jáne elimizdiń Ystan­bul qalasyn­daǵy Bas konsýl­dyǵynyń qoldaýymen júzege asqan jo­banyń maqsa­ty – eki el arasyndaǵy mádenı-gýma­nıtarlyq yntymaqtastyqty tereńdetip, qazaqtyń ádebı jáne ǵylymı murasyn halyq­aralyq deńgeıde nasıhattaý.

Saltanatty is-sharaǵa Túr­kııa Ádilet jáne damý partııasynyń Túrki mem­leketterimen baılanystar jónindegi basqarma tóraǵasynyń oryn­basary, doktor Reshıde Iýksel, Qazaqstannyń Ystan­bul qalasyndaǵy bas konsýly Amanqul Nýrıddın, Ramı kitaphanasynyń dırektory Alı Chelık, qazaq ádebıetiniń túrik tiline aýdarmashysy Quddys Cholpan, «Ǵylym ordasy» RMK bas dırektory Ular Muqa­janov, TURKTAV Túrki tarıhy men má­denıeti qorynyń atqarýshy dırektory Ásel Lahaeva, sondaı-aq TÚRKSOI ókilderi, Túrkııanyń mádenıet jáne bilim salasynyń zııaly qaýym ókilderi men Túrkııadaǵy qazaq stýdentteri qatysty.

Igi bastama aıasynda elden barǵan delegasııa túrkııalyq áriptesterine 250 dana kitap syıǵa tartty. Ádebıet bury­shyna Ǵylym ordasynyń Or­talyq ǵylymı kitaphanasy, Sh.Sh.Ýálıhanov atyndaǵy Tarıh jáne etnologııa ıns­tıtýty jáne M.O.Áýezov atyndaǵy Ádebıet jáne óner ınstıtýty usynǵan qazaq ádebıeti, tarıhy, mádenıeti men ǵylymyna arnalǵan basylymdar qoıyldy.

Is-shara barysynda «Ǵylym ordasy» RMK bas dırektory Ular Muqajanov Ramı kitaphanasynda ashylǵan bul burysh Qazaqstan men Túr­kııa arasyndaǵy ǵylymı jáne mádenı yntymaqtastyqty jańa deńgeıge kóte­rip, qazaq­tyń zııatkerlik murasyn halyq­aralyq deńgeıde keńinen tanytýǵa baǵyttalǵan mańyzdy qadam ekenin aıtty.