Saltanatty jıyn barysynda eńbegi men erligi eldi súısindirgen azamattardyń esimderi jarııalandy. Jeńimpazdarǵa «Kásibı jetistikteri úshin» jáne «Eleýli úlesi úshin» atalymdarynda ulttyq «Altyn Adam – Jyl adamy» syılyǵy tabystaldy.
Dástúrge saı, joba aıasynda úmitkerlerdi irikteý halyq arasynda júrgiziletin áleýmettik saýalnamadan bastalady. Odan bólek jobaǵa qatysýshylar usynǵan derekterge, sondaı-aq ózderiniń kásibı tájirıbesi men saraptamalyq qorytyndylaryna súıene otyryp, qazylar alqasy árbir úmitkerge daýys beredi.
Is-shara aıasynda «Shyǵarmashylyq jetistikteri úshin» arnaıy syılyqtary da tabystalyp, «Qoǵamdyq moıyndaý» halyqtyq syılyǵynyń laýreattary marapattaldy.
Ulttyq «Jyl adamy» – «Jyl tańdaýy» – táýelsiz joba. Ol buqaralyq aqparat quraldary men halyqaralyq uıymdar tarapynan zor qoldaýǵa ıe. Jobanyń ustanymy – Otanǵa degen shynaıy súıispenshilik.
Iá, «Jyl adamy» – «Jyl tańdaýy» festıvali halyqaralyq mártebege ıe ekeni sózsiz. Bes elde, atap aıtsaq, Qazaqstanda, Qyrǵyzstanda, О́zbekstanda, Ýkraınada, Belarýs elinde ótkiziledi.
