Eksport • 23 Jeltoqsan, 2025

«Boljam jasamaımyn, biraq baǵaǵa áser etedi»: Vıse-premer et eksportyna tyıym salý sebebin túsindirdi

20 ret

kórsetildi

1 mın

oqý úshin

Qazaqstanda iri qara mal etiniń eksportyna engizilgen shekteýler naryqtaǵy baǵany turaqtandyrýǵa septigin tıgizedi. Bul týraly Vıse-premer – Ulttyq ekonomıka mınıstri Serik Jumanǵarın málimdedi, dep habarlaıdy Egemen.kz.

Qyrmyzy JUMAǴALIQYZY

«Boljam jasamaımyn, biraq baǵaǵa áser etedi»: Vıse-premer et eksportyna tyıym salý sebebin túsindirdi

Foto: Ashyq derekkóz

Mınıstr baǵanyń naqty qansha teńgege arzandaıtynyn dóp basyp aıtpaǵanymen, bul qadamnyń oń áseri bolatynyna senimdi.

«Men boljam jasaýmen aınalyspaımyn, biraq bul sıyr etiniń baǵasyn turaqtandyrýǵa áser etetini sózsiz. Eń bastysy − 2026 jyl mal sharýashylyǵyn belsendi damytý jyly bolady. Biz eki jyl boıy ósimdik sharýashylyǵyna barynsha kóńil bólip, jaqsy ónim aldyq. Endi osyndaı aýqymdy jumys mal salasynda kútip tur», dedi Serik Jumanǵarın Úkimet brıfınginde.

Eske salsaq, buǵan deıin Qazaqstanda 2025 jyldyń 31 jeltoqsanyna deıin úshinshi elderge jáne EAEO elderine 13 myń tonna kóleminde sıyr etin (jańa, tońazytylǵan nemese muzdatylǵan) áketýge sandyq shekteýler (kvotalar) engizilgen bolatyn.