Foto: skrınshot
Jelide taraǵan kadrlar birden nazar aýdartty. Sebebi fýtýrıstik dızaınymen tanylǵan Tesla Cybertruck Qazaqstanda sırek kezdesedi, al tótenshe jaǵdaılar qyzmetiniń belgilerimen júrýi kópshilikti tańǵaldyrdy. Keıbir qoldanýshylar bul kólik qutqarý qyzmetiniń qajettilikterine beıimdelýi múmkin degen boljam aıtty.
Alaıda ázirge resmı organdar tarapynan elektromobıldiń TJM qurylymynda paıdalanylatyny jóninde naqty aqparat berilgen joq. Tıisti vedomstvolar da bul jaǵdaıǵa qatysty túsinikteme jasaǵan emes.
Aıta keteıik, Tesla Cybertruck – tolyqtaı elektr qýatymen júretin, jol talǵamaıtyn kólik. Ol joǵary korpýsymen, júk kótergishtigimen jáne ekstremaldy jaǵdaılarǵa tózimdiligimen erekshelenedi. Osy qasıetteri ony áskerı, qutqarý nemese arnaıy qyzmetterge qyzyqty kólikke aınaldyrýy múmkin degen pikirler de aıtylyp júr.
