Baǵdarlama jas mamandarǵa tıimdi sharttarmen óz baspanasyn satyp alýǵa múmkindik beredi.
Onyń negizgi sharttary: paıyzdyq mólsherleme – 5 paıyz, nesıe somasy – 20 mıllıon teńgege deıin. Keminde 10 paıyz bastapqy jarnasyn tóleıdi.
Baǵdarlamaǵa muǵalimder, dárigerler men medbıkeler, sportshylar, mádenıet qyzmetkerleri, jýrnalıster, JOO oqytýshylary, ǵylymı jáne áleýmettik sala mamandary qatysady.
«Ulytau Zhastary» jeńildetilgen ıpotekalyq turǵyn úı baǵdarlamasy arqyly 2023 jyly 750 mıllıon teńge bólinip, 39 jas otbasy baspanaly boldy. 2024 jyly 1 mıllıard teńge qarastyrylyp, 57 otbasy turǵyn úıge qol jetkizdi. Bıylǵy jyly 625 mıllıon teńge bólinip, 32 jas otbasyn baspanamen qamtý josparlandy.
