Bekzat – izdenimpaz tilshi. Ol birazdan beri bas basylymnyń sońǵy betindegi «Ǵalam ǵajaptary» aıdary aıasynda álemdegi tańdaı qaqtyrar tańǵajaıyptar týraly oımaqtaı dúnıelerin usynyp keledi. Jınaqqa osynda jaryq kórgen jazbalaryn qurastyrǵan. Týyndy 7 taraýdan turady. Ár taraý taqyrypqa saı jınaqtalǵan. Kitapqa BAQ salasyndaǵy Prezıdent syılyǵynyń laýreaty Talǵat Batyrhan alǵy sóz jazǵan.
«Aldaryńyzdaǵy alaqandaı jazbalar arqyly kóziqaraqty kópshilik belgili jaılardyń belgisiz syrlaryna qanyǵary anyq. Tanym kókjıegin keńeıter talaı derektermen tanysyp, keremet rýhanı baılyqqa keneleri taǵy talas týdyrmaıdy», deıdi belgili jýrnalıst.
Shynynda, mundaǵy árbir derek qyzyq. Adam aıtsa sengisiz qıly-qıly oqıǵalar tańǵaldyrady. Qumartyp oqısyz. Máselen, siz 5 jasynda pesa jazǵan balany bilesiz be? Bilmeseńiz, aıtaıyq. Ataqty Volfang Mosarttyń ákesi Leopald – Aýstrııadaǵy belgili kompozıtor bolǵan. Birde ákesi 4 jastaǵy Volfıdiń jazǵan «shatpaǵyn» baıqaıdy. Qarasa, táp-táýir mýzykalyq kompozısııa. Osydan bastap Leopold ulyn mýzykaǵa myqtap baýlıdy. 5 jasynda Volfı tipti klavır aspabyna arnalǵan eki birdeı mýzykalyq pesa jazyp shyǵarǵan. Kitapta osyndaı qyzyqty derekter kóp kezdesedi. Ásirese balalarǵa bereri mol. Qysqasy, alǵashqy jınaǵy oqyrmanǵa jol tartqan jas áriptesimizge sáttilik tileımiz!
