Mindetti tańbalaýǵa taǵy bir ónim qosyldy

Tañba biryńǵaı tańbalaý operatory baspasóz qyz­me­ti­niń habarlaýynsha, 2026 jyl­dyń 1 aqpanynan bastap, «Tań­ba­laýǵa jatatyn taýarlar tiz­besin aıqyndaý týraly» buı­ryqqa sáıkes Qazaqstanda syra jáne syra sýsyndary mindetti tańbalaýǵa jatatyn taýarlar tizbesine engizildi. О́ndirýshiler men ımporttaýshylar júıede tirkelýi mindetti.

Syra men syra sýsyndaryn mindetti tańbalaýdy engizý kezeń-kezeńimen iske asyrylady. 2026 jylǵy 1 aqpannan bas­tap – kegter men bótelkelerde shyǵarylatyn syra men syra sýsyndaryn mindetti tańbalaý, al 2027 jylǵy 1 qańtardan bas­tap – qańyltyr bankilerdegi sýsyndar tańbalana bastaıdy. Aınalymǵa engizilgenge deıin árbir taýar birligine Data Matrix kody qoıylýy qajet.

«Syra ónimderi aksız­de­letin taýarlarǵa jatatynyna qaramastan elimizde bul sýsyndar esepke alý-ba­qy­laý markalarymen tań­ba­lan­baǵan, ıaǵnı bul jóninde orta­lyq­tandyrylǵan aqpa­rat­tyq júıe joq. Sondyqtan tu­­tyný­shylar taýardyń zań­­­dy shyǵý tegi týraly má­li­met­­terden habarsyz. О́nim­der baqylanbaǵannan keıin elge kontrabandalyq ónimderdi tasymaldaý qaýpi bar», delingen tańbalaý operatory taratqan málimette.

Taýardy tańbalaýdyń memleket úshin tıimdiligi – syra qaınatý ónimderiniń zańsyz aınalymynyń azaıýy jáne salyq túsimderiniń ulǵaıýy. О́z kezeginde tutynýshylar shyna­­ıy ári sapaly ónimdi satyp alý­ǵa múmkindik alady.

Sıfrlyq tańbalaý «kópir­shik» sýsyndardyń óndi­ri­si pen ımport kólemine baqy­laý­­dy kúsheıtýge, zańsyz ónim aı­nalymyn tómendetýge jáne tutynýshylardyń quqyq­taryn qorǵaý deńgeıin art­tyrýǵa múmkindik beredi.

Qazir el azamattary dári-dár­mekter men temeki ónim­­de­riniń zańdylyǵy men túp­nusqalyǵy jóninde Naqty Onim tegin mobıldi qosym­­­­sha­synda tańbalaý kodyn skanerleý arqyly teksere alady. Eger kod jaramsyz bolsa nemese múlde bolmasa, azamattar qosymshanyń ózinde ótinish qaldyra alady, ol keıin tekserý júrgizý úshin ýákiletti organǵa joldanady.

Saýda jáne ıntegrasııa mınıstriniń jańa buı­ry­ǵyna sáıkes, mindetti tań­ba­laýǵa jatatyn taýarlar tizi­mine kıik derıvattary, syra ónimderi, motor maılary jáne jeńil ónerkásip taýar­lary da en­gizildi. 2026 jylǵy 1 aqpannan bas­tap motor maılary men syra ónimderin tańbalaý bastalady, al 1 jeltoqsannan bastap jeńil ónerkásip taýarlaryn tańbalaý engiziledi.

О́ndirýshiler men ımporttaýshylar https://tanba.markirovka.kz/ siltemesi arqy­ly ónerkásiptik stendte tirkeýden óte alady. Tirkeý úshin elektrondyq sıfrlyq qoltańba, uıym týraly ózekti derekter (BSN/JSN, ataýy, baılanys málimetteri), sondaı-aq ESQ-men jumys isteý úshin ornatylǵan NCALayer baǵdar­la­masy bolýy qajet.

Odan keıin qosylý týraly kelisimge ESQ arqyly qol qoıyp, qajet bolǵan jaǵdaıda tańbalaý kodtaryn alý týraly shartqa da kelisim beredi. Tirkelip bolǵan soń úsh jumys kúni ishinde kórsetilgen elektrondyq poshta mekenjaıyna qupııasóz ornatýǵa arnalǵan siltemesi bar rastaý haty keledi.

Paıdalanýshy tirkel­gen­nen keıin jeke kabı­net ashylady. Onda tańbalaý men ónimdi, onyń kólemi men quramyn, basqa da sıpattamalaryn qarap otyrý úshin taýar kartochkalaryn jasap alýǵa, ony ózgertýge, óńdeýge bolady.