Onyń aıtýynsha, qazir Almatyda shamamen 2,3 mln adam turady. Sonyń 1,9 mıllıony nemese 82 paıyzy saqtandyrylǵan mártebege ıe. Al shamamen 444 myń qala turǵyny MÁMS júıesinen tys qalyp otyr.
Saqtandyrylmaǵandar qatarynda D jáne E sanattaryna jatatyn, ıaǵnı ál-aýqatynyń daǵdarystyq jáne shuǵyl deńgeıindegi azamattar bar. Bul – tabysy tómen nemese múlde joq, ómirlik qıyn jaǵdaıǵa tap bolǵan shamamen 95 myń adam.
Boljamdy derekterge sáıkes, 2026 jyly jergilikti bıýdjet esebinen osy sanattaǵy medısınalyq kómekti belsendi paıdalanatyn 34 myń adam úshin MÁMS jarnalary tólenedi. Sonymen qatar resmı tirkelgen 28 myń jumyssyz azamat úshin de saqtandyrý jarnalary qarastyrylady.
1 qańtardan bastap MÁMS júıesine birqatar ózgeris engiziledi
Muhamedjan Ilıastyń málimetinshe, atalǵan sanattar boıynsha 2026 jyly jarnalardy tóleýge jumsalatyn jalpy shyǵyn 6,9 mlrd teńgeden asady. Bir adamǵa arnalǵan aı saıynǵy jarna mólsheri 9 189 teńge bolyp belgilengen. Bul rette saqtandyrylǵan mártebe avtomatty túrde beriledi, al jarnalar medısınalyq kómekke naqty júgingen kezde tólenedi.
2026 jyldan bastap jumyssyz azamattar MÁMS arqyly tegin medısınalyq kómek alady
2026 jylǵy qańtardan bastap osy sanattaǵy azamattar MÁMS júıesinde medısınalyq qyzmet alýǵa quqyǵy bar ekenin rastaıtyn SMS-habarlamalar ala bastaıdy.
