Foto: Úkimettiń baspasóz qyzmeti
Sporttyq kıimderdiń talapqa saı bolýyn qadaǵalaý maqsatynda Ulttyq Olımpıada komıteti, vedomstvolyq baǵynysty uıymdar ókilderi men belgili sportshylardyń qatysýymen jumys komıssııasy qurylǵan.
Qazir komıssııa sporttyq kıim-keshektiń úlgisin bekitip, Halyqaralyq Olımpıada komıtetiniń baqylaýyna usynǵan.
Kıim-keshek jıyntyǵyna sportshylardyń qysqy Olımpıadanyń ashylý jáne jabylý saltanatyna qatysýǵa arnalǵan kıim formasy, sondaı-aq sporttyq is-shara kezinde paıdalanýǵa arnalǵan jyly syrt kıim kiredi. Sondaı-aq sporttyq jattyǵýlarǵa, dene qyzdyrýǵa jáne kúndelikti qoldaný úshin sportshylarǵa arnalǵan jattyǵý jáne kúndelikti kıimder kiredi.
«Jalpy, sporttyq kıim-keshekter jıyntyǵy 22 ataýdy qamtıdy. Forma bıýdjetten tys qarajat esebinen satyp alyndy», dedi Erbol Myrzabosynov.
