Oqý-aǵartý mınıstrligi
Prezıdent Qasym-Jomart Toqaevtyń barlyq salany, onyń ishinde bilim berýdi sıfrlandyrý jónindegi tapsyrmasyna sáıkes, Oqý-aǵartý mınıstrligi Úkimet arqyly muǵalimderdiń júktemesin azaıtýǵa, oqýshylardyń JI saýattylyǵyn arttyrýǵa jáne Ulttyq bilim berý platformasyn qurýǵa baǵyttalǵan jasandy ıntellekt engizý jónindegi sharalar keshenin júzege asyryp jatyr.
«Oqý-aǵartý mınıstrligi sıfrlyq profılderdiń ulttyq júıesin jáne Ulttyq bilim berý platformasyn qurýǵa kiristi. Buǵan qol jetkizý úshin ulttyq bilim berý derekqory jańǵyrtylyp, ol barlyq LMS, ıaǵnı elektrondyq kúndelikter men jýrnaldardyń biryńǵaı derekter qoımasyna aınalady. Bul barlyq derekti QazTech memlekettik bultty platformada shoǵyrlandyrýǵa múmkindik beredi», dedi ol.
Bul muǵalimderdiń kúndelikti júktemesin azaıtady, óıtkeni JI agentteri, mysaly, pedagogıkalyq keńesterge daıyndyq kezinde kómektese alady.
«2026-2027 oqý jylynan bastap shaǵyn jınaqty mektepter úshin pılottyq óńirlerde Qazaq Digital mektebi jobasy iske qosylady, onda JI repetıtorlary qoldanylady. 2026 jylǵa qaraı 200 myńnan astam pedagog tájirıbelik JI daǵdylaryn meńgeredi», dep tolyqtyrdy vıse-mınıstr.
Oqýshylar arasynda JI saýattylyǵyn arttyrýǵa erekshe kóńil bólinbek. Sonymen qatar 2026 jyldyń birinshi jartysynda mınıstrlik janyndaǵy jumys toby zańnamalyq ózgerister boıynsha usynymdar ázirlep, bilim berý salasynda jasandy ıntellekt qoldaný boıynsha pılottyq jobalardyń tıimdiligin baǵalaıdy.
«Osylaısha, Úkimet JI agentteri kómegimen pedagogter júktemesin azaıtýǵa, sondaı-aq azamattarymyz úshin memlekettik qyzmetter alýdy jeńildetýge múmkindik beretin sıfrlyq negiz qalyptastyrady», dep qorytyndylady sózin Asylbek Ahmetjanov.
