Bilim • 06 Qańtar, 2026

Inklıýzıvti bilim berý uıymdarynda 10 myńnan asa pedagog qyzmet etedi

41 ret

kórsetildi

1 mın

oqý úshin

Inklıýzıvti bilim berý boıynsha Qazaqstanda alǵash ret ótken álemdik kongress – saladaǵy jahandyq dıalogtyń jańa kezeńin bastaýǵa jáne pedagogterdiń kásibı quzyretterin arttyrýǵa serpin berdi. Elimizde ınklıýzıvti bilim berý úshin jaǵdaı jasalǵan bilim berý uıymdarynyń úlesi 93,3%-dy quraıdy. Al arnaıy psıhologııalyq-pedagogıkalyq qoldaýmen qamtylǵan balalar sany 87%-ǵa jetken, dep jazady Egemen.kz.

Shyńǵys MUQAEV

Inklıýzıvti bilim berý uıymdarynda 10 myńnan asa pedagog qyzmet etedi

Foto: Oqu-agartu ministrligi

Salany damytýdyń jańa kezeńi bastaldy

Inklıýzıvti bilim berýdi júıeli damytý maqsatynda mektepke deıingi uıymdarda jáne kásibı-tehnıkalyq bilim berý uıymdarynda pedagog-assıstent shtattary engizildi. Bul bastama erekshe bilim berý qajettilikteri bar balalarǵa jeke qoldaý kórsetýge múmkindik berdi. Elimizdiń bilim berý uıymdarynda 3,8 myń pedagog-assıstent jáne 10 275 arnaıy pedagog qyzmet atqaryp júr.

Jeke kómekshi laýazymy

Sondaı-aq mektepterde múmkindigi shekteýli jáne ómirlik qıyn jaǵdaıǵa tap bolǵan balalarǵa jeke kómekshi laýazymy engizildi. Nátıjesinde 129 erekshe bilim berý qajettilikteri bar balaǵa fızıkalyq súıemeldeý kórsetildi, onyń ishinde buryn úıde oqyǵan 45 bala jalpy bilim beretin mektepterde bilim alýǵa múmkindik aldy.

516 arnaıy uıym

Elimizde erekshe bilim berý qajettilikteri bar balalardy qoldaýǵa arnalǵan ınfraqurylym belsendi damyp keledi. Búginde 516 arnaıy uıym jumys isteıdi. Memleket basshysynyń tapsyrmasyna sáıkes aýtızm ortalyqtarynyń jelisi keńeıtilip jatyr, sondaı-aq erte jastan bastap mamandyq alýǵa deıingi balalardy keshendi súıemeldeý tujyrymdamasy bekitildi.