Foto: polisia.kz
Alaıaqtyqqa qatysty qylmystyq toptardy qurý jáne basqarý faktileri boıynsha 6 qylmystyq is qozǵalsa, olardyń bireýi transulttyq sıpatqa ıe. Sonymen qatar qabyldanǵan tehnıkalyq sharalardyń nátıjesinde qylmyskerler paıdalanǵan 100 myńnan astam SIM-karta jáne 88 SIM-box qurylǵysy tárkilendi.
Byltyr Qazaqstannan tys jerlerde ornalasqan 7 call-ortalyqtyń zańsyz qyzmeti toqtatyldy.
Budan bólek, el aýmaǵynda taǵy osyndaı 6 ortalyqtyń qyzmeti joıyldy.
Ishki ister mınıstrligi kıberqylmysqa qarsy kúres baǵytyndaǵy jumystardy jalǵastyrady.
Azamattardy sıfrlyq keńistikte qorǵaý maqsatynda polısııa keshendi jumystar júrgizip jatyr.
«Internettiń damýyna baılanysty «dástúrli» qylmys túrleri onlaın-keńistikke aýysyp, olardyń jańa formalary paıda boldy. Búginde urlyq ınternet jelisi arqyly jasalyp, qylmyskerler azamattardyń qarajatyn jymqyrý úshin zamanaýı tehnologııalardy qoldanyp jatyr. Mundaı qylmystarmen kúres úsh negizgi baǵytta júrgizilýi tıis: zańnamalyq, tehnıkalyq jáne profılaktıkalyq is-sharalar. Tek keshendi tásil ǵana kıberqylmysqa óz deńgeıinde qarsy turýǵa múmkindik beredi», delingen mınıstrlik habarlamasynda.
