Foto: ashyq derekkóz
Taralǵan bazaǵa paıdalanýshy attary, tolyq esimder, elektrondy poshta mekenjaılary, telefon nómirleri, ishinara fızıkalyq mekenjaılar jáne ózge de baılanys derekteri kirgen.
Kompanııa mundaı aqparattyń kıberalaıaqtar qolyna túsýi naqty qaýip týdyratynyn eskertedi:
«Qylmyskerler bul aqparatty ózgeniń atynan shyǵý, fıshıngtik naýqandar júrgizý jáne akkaýnt derekterin qolǵa túsirý úshin paıdalanýy ábden múmkin. Ásirese Instagram-daǵy qupııa sózdi qalpyna keltirý tetigin qoldaný arqyly paıdalanýshylardyń eseptik jazbalaryna kirýge tyrysady».
Sarapshylardyń aıtýynsha, bul derekter fıshıngtik shabýyldar, jalǵan hattar taratý jáne akkaýnttardy buzý úshin paıdalanylýy múmkin. Ásirese elektrondy poshta men telefon nómiri belgili bolǵan jaǵdaıda, akkaýntqa zańsyz kirý áldeqaıda jeńildeıdi.
Malwarebytes qoldanýshylarǵa paroldi jańartý, eki faktorly qorǵanysty qosý jáne kúmándi habarlamalarǵa jaýap bermeý kerektigin usynady.
Eske sala keteıik, byltyrǵy jyldyń maýsym aıynda da osyndaı jaǵdaı qaıtalanǵan. Osyǵan qatysty quzyrly mınıstrliktiń ne deıtinin, ulttyq qaýipsizdik komıtetiniń áreketin Egemen.kz tilshisi tarqatyp jazǵan edi.
Alaıda el azamattarynyń jeke derekteri tarap ketti dep jalǵan aqparat taratqandar da bolǵan. Sondaı jaǵdaıdyń biri Almaty mektep oqýshylaryna baılanysty bolǵan.
Al jeke derekterdi rasymen jarııa qylǵandar budan bylaı ákimshilik jaýapkershilikke tartylyp, aıyppul arqalaıdy.
