Foto: Densaýlyq saqtaý mınıstrligi
Tıisti sharalar dárilik zattardyń 3000-nan astam ataýyn qamtıdy, onyń 1 200 ataýy orfandyq jáne áleýmettik máni bar aýrýlardy emdeýge arnalǵan. Sondaı-aq kóterme jáne bólshek saýdada satý kezinde QQS-tan bosatylýǵa jatady.
Sondaı-aq sırek jáne áleýmettik máni bar aýrýlardy emdeý, dıagnostıkalaý, aldyn alý jáne ońaltý boıynsha medısınalyq qyzmetterge QQS salynbaıdy.
Qosymsha qosylǵan qun salyǵynan TMKKK jáne MÁMS sheńberinde dárilik zattardy óndirý úshin paıdalanylatyn ımporttalatyn farmasevtıkalyq sýbstansııalar bosatylady.
Atalǵan sharalar 2025 jylǵy 31 jeltoqsanda qabyldanǵan «Densaýlyq saqtaý salasyndaǵy qosylǵan qun salyǵynan bosatýdyń keıbir máseleleri týraly» Úkimettiń № 1203 qaýlysymen bekitilgen jáne 2026 jylǵy qańtardan bastap kúshine engen jańa Salyq kodeksi sheńberinde iske asyrylady.
Importtalatyn taýarlarǵa QQS tóleýdi keıinge qaldyrý mehanızmi bekitildi
Qabyldanǵan sheshim pasıentterdi qoldaýǵa jáne medısınalyq kómektiń qoljetimdiligin arttyrýǵa, sondaı-aq medısınalyq uıymdarǵa qarjylyq júktemeni azaıtýǵa jáne otandyq farmasevtıka salasyn damytý úshin qolaıly jaǵdaılar jasaýǵa baǵyttalǵan.
Budan basqa, jańa Salyq kodeksine sáıkes kóterme jáne bólshek saýda segmentterinde dárilik zattar men medısınalyq buıymdardy ótkizý kezinde QQS tómendetilgen mólsherlemesin qoldaný kózdelgen. 2026 jylǵy qańtardan bastap QQS mólsherlemesi 5 %-dy, al 2027 jylǵy 1 qańtardan bastap 10%-dy quraıdy.
Sonymen bir mezgilde Densaýlyq saqtaý mınıstrligi básekelestikti qorǵaý jáne damytý agenttigimen birlesip reseptilik dárilik zattardy retteý merzimin 2027 jylǵy 1 qańtarǵa deıin uzartý týraly sheshim qabyldady.
Osy sharalardy iske asyrý densaýlyq saqtaý júıesin jetildirý jáne halyqty áleýmettik qorǵaýdy nyǵaıtý jónindegi keshendi memlekettik saıasattyń bóligi sanalady.
Esterińizge salaıyq, ótken jyldyń ortasynda Densaýlyq saqtaý mınıstrligi bólshek saýda jelisindegi dárilik zattarǵa shekti baǵalardy retteý tetigin engizgen. Nátıjesinde búginde 3 780 ataý boıynsha dárilik preparattardyń baǵasy orta eseppen 26 %-ǵa tómendegeni tirkeldi.
2025 jyly shekti baǵany buzýdyń 28 faktisi anyqtalyp, jalpy somasy 5,7 mln teńgege ákimshilik quqyq buzýshylyq týraly hattamalar jasaldy.
