Qarjy uıymdarymen yntaly yntymaqtastyq

Jıyn barysynda ekonomıka­lyq reformalar men ınvestısııa­lyq jobalardy júzege asyrý sheń­berinde halyqaralyq qarjy uıym­darymen ózara is-qımyldyń tıimdiligin arttyrýǵa baǵyttalǵan máseleler talqylandy. Úılestirý keńesiniń aldyńǵy otyrysy­nyń hattamalyq tapsyrmalaryn oryndaý qorytyndylary men jobalardy júzege asyrýdy odan ári ońtaılandyrý ári jedeldetý jónin­degi usynystar, sondaı-aq bir­les­ken baǵdarlamalardy keńeıtý múm­kindikteri qaraldy.

Premer-mınıstr Memleket basshysynyń tapsyrmasy bo­ıynsha elimizdiń Strategııalyq josparlaý jáne reformalar agent­tiginiń tóraǵasy Áset Erǵalıev halyqaralyq qarjy uıymdarymen yntymaqtastyq jónindegi ulttyq baılanys jasaıtyn tulǵa bolyp belgilengenin habarlady.

Atalǵan tásil jobany júzege asyrýdaǵy tártipti ári birlesken baǵdarlamalar men analıtıkalyq zertteýlerdiń maquldaý jedeldigin arttyrýǵa múmkindik beretini atap ótildi.

Dúnıejúzilik banktiń elimizdegi ókili Andreı Mıhnev prıorıtetti baǵdarlamalardy josparlaý men tıimdi júzege asyrý maqsatynda qarjylandyrý kózderin kórsete otyryp, memlekettik qaryzdar men memlekettik kepildikterdi qamtıtyn kópjyldyq ınvestısııalyq jospar bekitýdi usyndy.

Energetıkalyq qýat kózderi­niń birinen ekinshisine kóshý salasyn­daǵy bastamalar óz aldyna bólek talqylandy. Otyrysqa qatysý­shylar energetıkalyq transfor­masııa boıynsha prıorıtetti jobalardy biriktirý men uzaqmerzim­di halyqaralyq qarjylandyrý­dy tartýǵa baǵyttalǵan eldik ınves­tı­sııalyq platformany qalyptastyrý jónindegi usynystardy qarady. Energııa­men qamtý senimdiligin arttyrý, tehnologııalyq jańartý men ınvestısııalar tartý quraly retinde energetıkalyq kóshýdiń mańyz­dylyǵy atap ótildi.

Energetıka, Ekologııa jáne tabıǵı resýrstar mınıstrligi 2025 jyl boıy EQDB-men birlesip energe­tıka sektoryna nazar aýdara otyryp, Qazaqstannyń ádil ener­getıkalyq kóshýi jónindegi Eldik ınvestısııalyq platfor­masynyń (KazJETP) tujyrymdamasyn da­ıyndady.

Eldiń energetıkalyq sek­torynyń platformasy aýqymdy halyqaralyq qarjylandyrý­dy tartý men elimizdiń klımat­tyq maqsattaryna qol jetkizýge tıimdi ıntegrasııalanǵan júıelik tásil retinde qarastyrylady. Atalǵan tetik halyqaralyq qarjy ınstıtýttarynyń, memlekettik organdardyń jáne jeke sektordyń resýrstaryn biriktire otyryp, klı­mattyq qarjylandyrýdy úıles­tirýdi qamtamasyz etýge arnalǵan.

Buǵan qosa halyqaralyq qar­jy uıymdarynyń qatysýymen júzege asyrylatyn birqatar ınfra­qurylymdyq jobany, onyń qatarynda sý sharýashylyǵy, sý tasqyny táýekelderin basqarý men kommýnaldyq ınfraqurylym salasyndaǵy jobalardy júzege asyrý máseleleri qaraldy. Atap aıtqanda, Aqmola oblysyndaǵy Esil ózeninde Esil qarsy rettegishin salý men Aqmola oblysy Stepnogorsk qala­synyń kárizdik tazartý qury­lysjaılaryn rekonstrýksııalaý jónindegi jobalarǵa Azııa damý bankiniń qatysýy.

Premer-mınıstr ekonomıkany turaqty damytý men basym salalarǵa ınvestısııalar tartýǵa halyqaralyq qarjy ınstıtýttarymen áriptestiktiń mańyzdylyǵyn atap ótti. Úkimet uzaqmerzimdi turaq­ty áserlerge qol jetkizýge baǵyt­talǵan bastamalardy qoldaýdy ári týyndaǵan máselelerge jedel den qoıýdy jalǵastyrady.

Otyrys qorytyndysy bo­ıyn­sha memlekettik organdarǵa halyq­aralyq áriptestermen birlesip usynylǵan usynystardy pysyq­taýdy, is-qımyldardy úılestirýdi ári birlesken ınvestısııalyq jobalardy ýaqtyly júzege asyrýdy qamtamasyz etý tapsyryldy.