Foto: Ashyq derekkóz
AmanVIBE derekkóziniń habarlaýynsha, portýgalııalyq shabýylshy jaqyn arada «aq-qyzyldardyń» oqý-jattyǵý jıynyna qosylady. Taraptar 1 jyldyq kelisimshartqa qol qoıǵan. Nanıdiń jalaqysy Qazaqstan Premer-lıgasy (QPL) tarıhyndaǵy eń joǵary kórsetkish bolmaq.
Qazaqstan fýtbolshysy Eýropadaǵy klýb sapynda sátti debıýt jasady
Jospar boıynsha, fýtbolshy 22 qańtarda Almatyǵa ushyp kelip, ári qaraı Aqtóbege attanady. Sodan keıin jankúıerler aldynda resmı tanystyrylym rásimi ótedi.
Nanı «Manchester Iýnaıted» sapynda júrip, álemdik deńgeıdegi barlyq júldege qol jetkizgen:
- Anglııa Premer-lıgasynyń tórt dúrkin chempıony;
- Chempıondar lıgasynyń jeńimpazy;
- Klýbtar arasyndaǵy álem chempıonatynyń jeńimpazy;
- Anglııa Kýbogy men Sýperkýbogynyń ıegeri.
Ár jyldary ol «Sportıng», «Fenerbahche», «Valensııa», «Lasıo» sekildi Eýropanyń top-klýbtarynda, sondaı-aq AQSh pen Aýstralııa chempıonattarynda óner kórsetken.
