«Keshegi ótken Ulttyq quryltaıdyń 5‑shi otyrysynda Memleket basshysy Qasym-Jomart Kemeluly Toqaev buǵan deıingi aýqymdy saıası reformalarynyń jalǵasy bolyp tabylatyn bastamalaryn jarııa etti. Parlament pen qoǵamdyq ınstıtýttardyń rólin kúsheıtý týraly usynystar saıası júıemen qatar, azamattarymyzdyń mádenıetine de demokratııalyq qaǵıdattardy birjolata ornyqtyrý prosesi júrip jatqanyn bildiredi. Qazaqstannyń zamanaýı syn-tegeýrinderge qarsy turýyna kepildik beretin asa mańyzdy ıdeologııalyq tujyrymdar aıqyndaldy.
Bular – qoǵamdy uıystyrý, otanshyldyq, ádildik jáne «Zań men Tártip» qaǵıdattaryna degen myzǵymas ustanym. Ulttyq ıdeologııamyzdyń ajyramas bóligine aınalǵan «Taza Qazaqstan» da negizgi qundylyqtardyń qatarynda tur», dep atap ótti Premer-mınıstr.
Sondaı-aq Memleket basshysynyń alǵa qoıǵan elimizdiń odan ári ekonomıkalyq damýyna qatysty negizgi mindetterdi is júzinde júzege asyrý qajettigine nazar aýdaryldy.
«Memleket basshysy árbir jaýapty laýazymdy tulǵaǵa batyl ári tosyn ınnovasııalyq sheshimder qabyldaý qajettigi týraly qatań talaptar qoıdy. Bul ómirdiń barlyq salasyna qatysty.
Árbir mınıstr men ákimnen, árbir sala men óńirde kózge kórinetindeı naqty nátıjeler kerek», dep atap ótti Oljas Bektenov.
Aıta keteıik, 2026 jylǵy 20 qańtarda Qyzylordada Memleket basshysy Qasym-Jomart Toqaevtyń tóraǵalyǵymen Ulttyq quryltaıdyń V otyrysy ótti.
Prezıdent Assambleıa men Ulttyq quryltaı ornyna Halyq keńesin qurýdy usyndy
Sonymen qatar Ulttyq quryltaıdyń qyzmetine belsene atsalysqan bir top azamat marapattaldy.
