Foto: Ǵylym jáne joǵary bilim mınıstrligi
Birinshi kúnniń basty oqıǵasy mınıstrdiń Bett UK 2026 – Leading EdTech kórmesine qatysýy boldy. Bul – bilim berý tehnologııalary salasyndaǵy eń iri halyqaralyq platformalardyń biri. Kórme jyl saıyn memlekettik organdardyń, bilim berý mekemeleriniń, tehnologııalyq kompanııalardyń jáne sarapshy qaýymdastyqtardyń ókilderin jınap, bilimniń bolashaǵy, oqý prosesiniń sıfrlyq transformasııasy, jasandy ıntellektini engizý jáne ınnovasııalyq sheshimderdi qoldaný máselelerin talqylaýǵa múmkindik beredi.
21 qańtarda Londonda Qazaqstannyń Ǵylym jáne joǵary bilim mınıstrligi uıymdastyrýymen ulttyq pavılonnyń ashylý rásimi ótti. Ulttyq pavılon joǵary jáne odan keıingi bilim júıesin damytýdaǵy basym baǵyttardy kórsetýge arnalǵan alańǵa aınaldy. Munda bilim berý prosesterin sıfrlandyrý, jasandy ıntellekt negizindegi sheshimderdi engizý, ǵylymı zertteýlerdi damytý jáne halyqaralyq akademııalyq yntymaqtastyqty keńeıtý sııaqty baǵyttar tanystyryldy.
Pavılon jumysyna 9 otandyq joǵary jáne joǵary oqý ornynan keıingi bilim berý uıymdary qatysyp, ózderiniń akademııalyq baǵdarlamalaryn, ǵylymı-zertteý jobalaryn jáne sheteldik seriktestermen birlesken bilim berý jáne ǵylymı bastamalardy júzege asyrý múmkindikterin usyndy. Ekspozısııa otandyq ýnıversıtetterdiń damýynyń joǵary deńgeıin, olardyń ǵylymı-bilim berý áleýetin jáne halyqaralyq qaýymdastyqpen belsendi ózara árekettesýge daıyn ekenin kórsetti.
Kórme aıasynda plenarlyq sessııalar, taqyryptyq pikirtalastar, jetekshi EdTech ázirlemeleriniń tanystyrylymdary, sondaı-aq memlekettik organdar, ýnıversıtetter men jahandyq tehnologııalyq kompanııalardyń ókilderi arasyndaǵy iskerlik kezdesýler ótip jatyr. Qazaqstan delegasııasynyń Bett UK 2026 kórmesine qatysýy elimizdiń sıfrlyq bilimdi damytý, jasandy ıntellekt tehnologııalaryn belsendi engizý jáne ınnovasııalyq bilim berý sheshimderin ilgeriletý boıynsha strategııalyq baǵytyn aıqyndaıdy. Bul halyqaralyq yntymaqtastyqty nyǵaıtýǵa, otandyq ýnıversıtetterdiń básekege qabilettiligin arttyrýǵa jáne Qazaqstandy bilim berý men sıfrlyq tehnologııalar salasynda óńirlik kóshbasshy retinde qalyptastyrýǵa septigin tıgizedi.
Qazaqstan OpenAI Edu for Countries alǵashqy halyqaralyq kogortasyna qosyldy
