Foto: Ashyq derekkóz
Spıkerdiń aıtýynsha, qylmyskerler ózin bank nemese ózge de uıymdardyń «kýreri» retinde tanystyryp, jábirlenýshilerdiń úıine kelip, aqshany qolma-qol alyp ketedi.
«Buryn drop-kartalar jıi qoldanylatyn. Qazir olardyń sany aıtarlyqtaı azaıdy, sebebi bir jyldan astam ýaqyt boıy antıfrod júıesi jumys istep tur. Soǵan baılanysty qylmyskerler aqshany tikeleı qolma-qol alýǵa kóshti. Almatyda jasy 20 men 35 aralyǵyndaǵy tórt kúdikti ustaldy. Qazir tergeý amaldary júrip jatyr, olardyń basqa da uqsas qylmystarǵa qatysy bar-joǵy anyqtalyp jatyr», dedi Erkebulan Qoıshybaev.
Resmı derekke sáıkes, 2025 jyly Almaty qalasynda ınternet-alaıaqtyqtyń 2 500-den astam faktisi tirkelgen. Keltirilgen materıaldyq shyǵyn kólemi shamamen 2,5 mlrd teńgege jetken. Onyń ishinde 700 mln teńgege jýyq qarjy jábirlenýshilerge qaıtarylǵan.
Astanada bala emine dep aqsha jınaǵan alaıaq erli-zaıyptyǵa úkim shyqty
Quqyq qorǵaý organdarynyń málimetinshe, alaıaqtar kóbine bank qyzmetkeri, qaýipsizdik qyzmetiniń ókili, mınıstrlik nemese uıaly baılanys kompanııasynyń atyn jamylyp qońyraý shalyp, habarlama joldaıdy. Sonymen qatar jalǵan saıttar men ınternet-dúkender arqyly aldaý derekteri de jıi kezdesedi. Keıbir azamattar jumys izdeý nemese ınvestısııa salý kezinde qylmyskerlerdiń arbaýyna túsip jatady.
Polısııa deregi: Alaıaqtardyń arbaýyna kóbinde kimder ilinedi?
Brıfıng barysynda «Kıbernadzor» aqparattyq júıesiniń jumysy da ataldy. Atalǵan júıe 17 myńnan astam saıtty, onyń ishinde esirtkige jáne destrýktıvti kontentke qatysty resýrstardy buǵattaǵan.
Mamandar turǵyndardy kúmándi qońyraýlar men habarlamalarǵa senbeýge, jeke jáne qarjylyq derekterin bógde adamdarǵa bermeýge shaqyrady.
