Elvıra Azımovanyń aıtýynsha, Konstıtýsııalyq komıssııanyń qurylýyn salalyq ózgeristerden keshendi konstıtýsııalyq transformasııaǵa ótý retinde qarastyrǵan jón.
Komıssııa quramyna Qazaqstan Respýblıkasy Parlamentiniń depýtattary, máslıhat tóraǵalary, BAQ basshylary, qoǵamdyq belsendiler, memlekettik organdar men óńirlik qoǵamdyq keńesterdiń ókilderi, sondaı-aq saraptamalyq jáne ǵylymı qaýymdastyqtar engen.
«Bul qoǵamdyq kózqarastardyń, tájirıbe men suranystyń áralýandyǵyn kórsetedi. Konstıtýsııalyq komıssııanyń aldynda aıryqsha mıssııa tur – bir jaǵynan konstıtýsııalyq qurylystyń irgeli qaǵıdattaryn saqtaı otyryp, ekinshi jaǵynan zamanaýı syn-qaterlerge qatysty óz ustanymymyzdy laıyqty túrde aıqyndaýǵa múmkindik beretin Ata zańnyń tıisinshe teńgerimin qamtamasyz etý. Sizderdiń kásibı tájirıbelerińiz, otansúıgishtik jáne salmaqty ustanymdaryńyz barlyq usynystardy jan-jaqty qarastyrýǵa, olardy júıelep qorytýǵa, elimizdiń damýyna qýatty serpin bere alatyn naqty ári saralanǵan ózgerister jobasyn ázirleýge múmkindik beretinine senimdimin», dedi E. Azımova.
Eske salaıyq, elordada Konstıtýsııalyq reforma jónindegi komıssııanyń alǵashqy otyrysy ótip jatyr.
