Foto: Májilis (arhıv)
Onyń aıtýynsha, eldi jańǵyrtýdyń túıindi baǵyttarynyń biri – proporsıonaldy negizde qurylatyn bir palataly parlament qalyptastyrý jónindegi usynys. Halyq partııasy bul qadam saıası básekeni kúsheıtip, partııalardyń memlekettik saıasatty qalyptastyrýdaǵy rólin arttyrady dep esepteıdi.
«Bir palataly parlamentte proporsıonaldy saılaý júıesi – bul, sózsiz, saıası partııalardy nyǵaıtý, olardyń memlekettik saıasatqa yqpalyn arttyrý. Kóppartııalyq ókildik – demokratııanyń kórsetkishi jáne saıası júıeniń turaqtylyǵynyń negizi», dedi Magerram Magerramov.
Nurlan Beknazarov: Quryltaıdyń kelisiminsiz depýtatty jaýapkershilikke tartýǵa bolmaıdy
Partııa ókiliniń pikirinshe, jańa parlamenttik model zań shyǵarýshy bıliktiń salmaǵyn arttyryp, sheshim qabyldaý úderisiniń tıimdiligin kúsheıtedi. Bul óz kezeginde saıası júıeniń ornyqtylyǵyna qyzmet etedi. Sonymen birge Konstıtýsııada «Zań men Tártip» qaǵıdatyn bekitý azamattardyń quqyqtary men mindetteri arasyndaǵy tepe-teńdikti qamtamasyz etýge múmkindik beredi.
«Zań tártipsiz kúshin joǵaltady, al zańsyz tártip ozbyrlyqqa aınalady. Sondyqtan «Zań men Tártip» – ádiletti qoǵamnyń ajyramas quramdas bólikteri jáne azamattardyń qaýipsizdigi men erkindiginiń kepili», dedi ol.
Elnur Beısenbaev: Konstıtýsııalyq reforma saıası partııalardyń ınstıtýsıonaldyq rólin arttyrady
Magerram Magerramov sóz sońynda usynylyp otyrǵan konstıtýsııalyq ózgerister tıimdi ári jaýapty parlament qurýǵa jol ashatynyna senim bildirdi. Onyń paıymdaýynsha, bul reformalar qoǵamdyq damýdyń negizgi qozǵaýshy kúshine aınalyp, Ádiletti Qazaqstandy qalyptastyrýǵa berik negiz qalaıdy.
Serik Egizbaev ekologııalyq qundylyqtardy Ata zańda ulttyq basymdyq dep bekitýdi usyndy
