Foto: Májilis (arhıv)
Onyń aıtýynsha, ınstıtýttardyń nyǵaıýy, quqyq ústemdiginiń ornyǵýy jáne normatıvtik ıerarhııanyń aıqyndalýy memlekettik basqarýdyń sapasyn arttyryp, bıliktiń ornyqtylyǵyn qamtamasyz etedi. Bul óz kezeginde el damýyna berik negiz qalaıdy.
«Ekonomıka ınstıtýttar nyǵaıǵan, quqyq ústemdigi ornaǵan, normatıvtik ıerarhııa aıqyn bolǵan jerde jáne memlekettik basqarý mádenıeti erejeler men rásimderge negizdelgen jaǵdaıda damıdy», dedi depýtat.
Ashat Rahımjanov: Konstıtýsııalyq reforma – bul qoǵamnyń naqty suranystaryna jaýap
Aıdarbek Qojanazarov 2019 jyldan beri Qazaqstanda ınstıtýsıonaldyq kemeldikke baǵyttalǵan júıeli ózgerister júzege asyp kele jatqanyn eske saldy. Osy kezeńde saıası júıe jańǵyrtylyp, azamattardyń saıası ómirge qatysý tetikteri keńeıdi, partııalar men azamattyq qoǵamnyń yqpaly artty. Konstıtýsııalyq reforma – osy bastamalardyń zańdy ári qısyndy jalǵasy.
Depýtattyń pikirinshe, usynylyp otyrǵan ózgerister memlekettiń damý baǵytynyń aldyn ala oılastyrylǵanyn jáne júıeli túrde iske asyrylyp jatqanyn kórsetedi.
«Konstıtýsııalyq reforma – bul el damýynyń aldyn ala belgilengen baǵytynyń qısyndy jalǵasy. Onyń negizdiligi memlekettik júıedegi senimniń, jaýapkershiliktiń jáne jedeldiktiń artýynan kórinedi», dedi ol.
Serik Egizbaev ekologııalyq qundylyqtardy Ata zańda ulttyq basymdyq dep bekitýdi usyndy
Sonymen qatar Aıdarbek Qojanazarov qoǵamdyq dıalogtyń mańyzyna erekshe toqtaldy. Halyq keńesi tetigi azamattar men bılik arasyndaǵy turaqty keri baılanys alańy retinde qalyptasyp keledi. Bul mehanızm qoǵamnyń ózekti máselelerin ashyq talqylaýǵa jáne sheshim qabyldaý úderisine halyqtyń keńinen qatysýyna jol ashady.
Depýtattyń aıtýynsha, konstıtýsııalyq ózgerister eń aldymen jas býynnyń bolashaǵyna baǵdarlanǵan. Reforma ekonomıkany, kásipkerlikti jáne áleýmettik ınfraqurylymdy damytýǵa qolaıly orta qalyptastyrady.
«Árqaısymyzdyń eldegi ózgeristerdi talqylaýǵa, mańyzdy qoǵamdyq máseleler boıynsha pikir aıtýǵa jáne qabyldanatyn sheshimderge ún qosýǵa múmkindigimiz bar ekenin joǵary baǵalaımyz. Ádiletti Qazaqstandy qurý – barshamyzǵa ortaq jaýapkershilik», dep túıindedi A.Qojanazarov.
Osylaısha, konstıtýsııalyq reforma saıası jańǵyrýdy tereńdetip, ekonomıkalyq ósimge serpin beretin, qoǵam men bılik arasyndaǵy senimdi kúsheıtetin mańyzdy qadam retinde baǵalanyp otyr.
M.Magerramov: «Zań men Tártip» – ádiletti qoǵamnyń berik tuǵyry
