Foto: prodengi.kz
Buǵan deıin TÚQJ júıesi boıynsha ıpotekany tek Otbasy banki arqyly rásimdeýge bolatyn. Endi mundaı baǵdarlamalardy kommersııalyq bankter de usyna alady, bul básekelestikti arttyryp, ıpotekalyq ónimderdiń qoljetimdiligin keńeıtedi.
Bul júıe standartty ıpotekaǵa qaraǵanda paıyzdyq mólsherlemesiniń tómendigimen tıimdi.
Júıeniń negizgi qaǵıdaty klıent arnaıy depozıtte jınaq qalyptastyryp, turǵyn úı qunynyń keminde 50%-yn jınaýy qajet. Jınaqtaý merzimi neǵurlym uzaq bolsa, nesıe mólsherlemesi soǵurlym tómen bolady.
Ulttyq bank tóraǵasy azamattarǵa ıpotekaǵa úı alýdy keıinge qaldyrýǵa keńes berdi
Mysaly, Otbasy bankindegi eń tómengi 3,5% mólsherlemeni alý úshin depozıt keminde úsh jyl boıy toltyrylýy tıis. Turǵyn úı jınaq depozıtteri boıynsha mólsherlemeler ádettegi banktik ónimderge qaraǵanda edáýir tómen.
Túzetýler kúshine engennen keıin kommersııalyq bankter TÚQJ júıesi boıynsha jınaq depozıtterin ashyp, qaryzdar bere alady.
Qarjy naryǵyn retteý jáne damytý agenttiginiń (QNRDA) málimetinshe, TÚQJ boıynsha jumys isteý úshin arnaıy lısenzııa talap etilmeıdi, qoldanystaǵy bank lısenzııasy jetkilikti.
Aıta ketetin jaıt, memlekettik syıaqy tek Otbasy bankindegi salymdar úshin saqtalady. Ol jylyna bir ret 200 AEK-ke deıingi somaǵa esepteledi. Syıaqy mólsheri – depozıtke salynǵan qarajattyń 20%-y. 2025 jylǵa arnalǵan memlekettik syıaqynyń eń joǵary somasy 157 280 teńgeni qurady.
Endi turǵyn úıde úlesi bar azamattar jeńildetilgen ıpoteka ala alady
Kommersııalyq bankterdiń klıentterine memlekettik syıaqy qarastyrylmaıdy. Mólsherlemeler men sharttardy bankter ózderi belgileıdi.
Qarjy naryǵyn retteý jáne damytý agenttiginiń málimetinshe, zań kúshine engenge deıin bankterdiń TÚQJ júıesimen jumys isteý tártibin naqtylaıtyn qosymsha normatıvtik-quqyqtyq akt qabyldanýy múmkin.
Bul túzetýler Qazaqstandaǵy barlyq bankterdiń klıentteri úshin jınaqtaý arqyly ıpotekany qoljetimdi etýdiń jolyn ashady. Al memlekettik qoldaýdyń Otbasy bankinde saqtalýy naryqty yntalandyrý men memlekettik baǵdarlamalardy qorǵaý arasyndaǵy tepe-teńdikti qamtamasyz etedi.
Bıyl qoljetimdi bolýy múmkin ıpotekalyq baǵdarlamalar anyqtaldy
