Respýblıkalyq jarysqa elimizdiń barlyq óńirinen 2011 jyly týǵan jáne odan kishi jastaǵy 200-den astam jas sportshy qatysýda.
Chempıonatqa barlyǵy 18 komanda jınalyp, ózara myqtyny anyqtaıdy. Ústel tennısinen el birinshiligi 27 qańtar men 1 aqpan aralyǵynda ótedi.
Ústel tennısinen álem chempıonaty: Qazaqstannyń qarsylastary kimder?
Sporttyq sharanyń ashylý saltanatyna Ulytaý oblysy ákiminiń orynbasary Zına Aqylbekova qatysyp, jas sportshylarǵa sáttilik tiledi.
«Is-sharanyń dál bizdiń óńirde ótýi – biz úshin úlken jetistik. Byltyr oblys ortalyǵynda zamanaýı sport kesheni paıdalanýǵa berildi. Osyndaı aýqymdy jarystardy jańa ınfraqurylymda ótkizý bolashaq sportshylardyń sheberligin shyńdaýǵa, sportty damytýǵa serpin beredi. Ústel tennısinen ótip jatqan bul chempıonattyń basty maqsaty – jasóspirimder arasynda buqaralyq sportty damytý, daryndy sportshylardy anyqtaý jáne olardyń kásibı deńgeıde ósýine jol ashý», dedi Ulytaý oblysy deneshynyqtyrý jáne sport basqarmasynyń basshysy Marat Aıdashev.
Respýblıkalyq chempıonat jas sportshylar úshin tájirıbe almasý alańyna aınalyp, elimizdegi ústel tennısiniń damýyna úles qosady.
Aleksandr Býblık álemdegi eń úzdik 10 tennısshiniń qataryna endi
