«Ǵylymı shyǵarmashylyq erkindigin Konstıtýsııa deńgeıinde bekitý – ǵylymdy qosalqy quram emes, jeke-dara qundylyq retinde moıyndaýdy bildiredi. Barshamyzǵa málim, ǵylymsyz – turaqty damý da, shynaıy demokratııa da, tıimdi memlekettik basqarý da múmkin emes. Konstıtýsııalyq norma, eń aldymen – ǵylymı shyǵarmashylyq erkindigi mártebesin aıqyndaıdy. Iаǵnı, memleket onyń erkin jumys jasaýy úshin jaǵdaı jasaýy tıis», dedi ol.
Onyń aıtýynsha, ǵylymı shyǵarmashylyq erkindigi ýnıversıtetter men ǵylymı ortalyqtardyń derbestigimen, oqytýshylar men ǵalymdardyń akademııalyq erkindigimen tyǵyz baılanysty. Bul normany Konstıtýsııada naqty bekitpeıinshe, ǵylymı mekemelerdiń ádisteme tańdaý, zertteý jáne túsindirý taqyryptary boıynsha erkindigin tolyq qamtamasyz etý múmkin emes. Komıssııa otyrysynda jahandyq básekelestik pen tehnologııalyq transformasııa jaǵdaıynda ǵylymı erkindiktiń strategııalyq mańyzyna da nazar aýdaryldy.
Sóz sońynda ol Preambýlada jáne qosymsha baptarda adamı kapıtal, bilim men ǵylym, mádenıet pen ınnovasııany Qazaqstan Respýblıkasynyń memlekettik qyzmetiniń strategııalyq baǵyttary retinde bekitýdi qoldaýǵa shaqyrdy.
Elnur Beısenbaev Quryltaıdy ońtaılandyrýdyń mańyzyn atap ótti
