Kórmede Almaty mýzeıi men M. Áýezov atyndaǵy Qazaq ulttyq drama teatry mýzeıiniń qorynan alynǵan teatr tarıhyna qatysty biregeı arhıvtik qujattar men fotosýretter, 1940 jyldardan búgingi kúnge deıingi spektakl afıshalary usynyldy.
Aıda Balaeva Áýezov atyndaǵy drama teatryn 100 jyldyq mereıtoıymen quttyqtady
Ásirese qazaq teatr óneriniń kórnekti maıtalmandary kıgen sahnalyq kostıýmder eldiń nazaryn aýdardy. Mysaly, Á.Moldabekovtiń «Vanıa aǵa» spektaklindegi, Sh.Jandarbekovanyń «Aqan seri – Aqtoqty», Z.Sháripovanyń «Otello» spektaklinde Dezdemona rólinde kıgen, T.Jamanqulovtyń Abylaı han beınesindegi sahnalyq kıimderi sııaqty qundy eksponattar kórmege qoıyldy.
Kórme ǵasyrlyq tarıhy bar ulttyq teatrdyń shyǵarmashylyq jolyn keńinen nasıhattap, kórermendi qazaq teatr óneriniń damý kezeńderimen tanystyrýdy, jas urpaqtyń rýhanı-mádenı qundylyqtarǵa degen qyzyǵýshylyǵyn arttyrýdy kózdeıdi.
Kórmeniń ashylý rásimine Almaty qalasy Mádenıet basqarmasynyń ókilderi, shyǵarmashylyq ıntellıgensııa, óner qaıratkerleri, buqaralyq aqparat quraldarynyń ókilderi, sondaı-aq qala turǵyndary men qonaqtary qatysty.
Kórme aqpan aıynyń sońyna deıin jalǵasady.
