Ortaq jeńis – ortaq jemis

Búginde qandaı el bolmasyn jahandyq ekonomıkamen baılanyssyz emestigi belgili. Sondyqtan odan ári damýǵa umty­lýshylardyń Dúnıejúzilik saý­da uıymymen tyǵyz qarym-qatynasty qalyptastyrýdy qalaýy zaman talaby bolyp tabylady. Osy qatarǵa qosylýdy alǵa qoıǵan elimizge jol ashylýy barshamyzdy qýantqan oqıǵa boldy. Buǵan deıin de álemdik naryqtaǵy básekelestikte biraz ysylǵan otandyq óndiristerimizdiń endi óz ónimderin keń aýqymda ótkizýge múmkindigi bar. Alaıda, osy jaǵdaıdy paıdalana alý da ońaı bolmastyǵy anyq. О́ıt­keni, shyndyǵyn aıtqanda, tal­ǵampaz tutynýshylar tań­daýyna saı keletin taýarlary­myz ben qyzmetterimiz ázirge az ekenin jasyrǵymyz kelmeı­di. Osyǵan baılanysty Elba­sy­nyń Úndeýinde odan týatyn qıyndyqtyń aıtylýy bizdi naǵyz taıtalasty báseke kútip turǵandyǵyna meńzeıdi. Oǵan tótep berý, kúresýdi kúsheı­tý, óz múddelerin qorǵaı bilý barlyq kásipkerlerge syn der edim. Kóbi jańa ekonomıkanyń qyr-syryna qanyq áriptes­te­rimniń kútkeni de osyndaı aýqymǵa shyǵý bolǵandyqtan qoldan kelgenderin tanyta alaryna senemin. Elimiz óndirisiniń shańyraǵy sanalatyn Qaraǵandy aımaǵyn­da shetelderge de ótimdi taýar­lar barshylyq. Biraq basym bóligi mys, metall tárizdili daıyn ónimderden ári aspaıdy. Jurt jappaı tutynatyn zattar men buıymdar shyǵarý áli keń kólemde óris almaı keledi. Buryn balalar velosıpedine deıin jasaıtyn kásiporyndar osyndaı jolǵa kóshe almaı jatyr. Qandaı da taýardy óndirýge qolaıly jaǵdaı bar jergilikti óndiriske týyp otyrǵan múmkindik qamshy salar dep oılaımyz. Al aýyl sharýashylyǵyndaǵy rezervter qanshama deseńizshi. Sheteldik tutynýshylar qyzyǵatyn taza tabıǵı azyq-túlikterdi kóptep shyǵarý, olardy qazaqstandyq brendke aınaldyrý qoldan kelmes is emes. Ony jahandyq naryq sharttaryna saı etip óndirýdi jolǵa qoıǵan kásiporyndardyń úlgisi boıynsha eń aldymen osy sharýany shıratý qajet. Buǵan umtylýshylarǵa qoldaý kórsetý buryn da kem bolmasa bul joly odan saıyn ulǵaıary sózsiz. Dúnıejúzilik saýda uıymyna múshe elderdiń birazy osyndaı qıyndyqtardan ótkenin bile­miz. Biz de jeńe bilýimiz kerek. Ekonomıkalyq syndarda shyń­dalǵan elimizdiń ony eńserýine bárimizdiń kúsh salýymyz qajet. Ortaq jeńis – ortaq jemis. Bekzat Altynbekov, Jezqazǵan qalalyq máslıha­tynyń depýtaty, kásipker. JEZQAZǴAN.