Eldegi quqyqtyq reformalar aıtyldy

Venesııa qalasynda Eýropa Keńesi Venesııa komıssııasynyń 102-plenarlyq sessııasy ótti. Sessııada keıbir elderdiń jekelegen konstıtýsııalyq-quqyqtyq ınstıtýttaryna qatysty máseleler qaraldy. Onda 20 naý­ryzda osy forým aıasynda Konstıtýsııalyq Keńestiń Tóraǵasy I.Rogov baıandama jasap, Venesııa komıssııasyn jáne halyqaralyq zańgerler qaýymdastyǵyn Qazaqstan Respýblıkasynyń Prezıdenti «Nur Otan» partııasynyń XVI sezinde atap ótken ınstıtýttyq jáne quqyqtyq reformalardyń negizgi baǵyttarymen, sondaı-aq Qazaqstannyń ulttyq quqyq qorǵaý júıesin jańǵyrtý maqsatynda qolǵa alyp jatqan sharalarymen, atap aıtqanda, ústimizdegi jylǵy 1 qańtardan bastap qoldanysqa engizilgen Qylmystyq kodekstiń, Qylmystyq-prosestik kodekstiń, Qylmystyq-atqarý kodeksiniń jáne Ákimshilik quqyq buzýshylyq týraly kodekstiń negizgi jańalyqtarymen tanystyrdy. Venesııa komıssııasynyń basshylyǵy men músheleri Qazaqstanda júrgizilip otyrǵan quqyqtyq reformalarǵa joǵary baǵa berip, qajet bolǵan jaǵdaıda sarapshylyq-ádistemelik kómek kórsetýge daıyn ekenin bildirdi, dep habarlady elimizdiń Konstıtýsııalyq Keńesiniń baspasóz qyzmeti.