Máýlen Áshimbaev respýblıkalyq referendýmnyń tarıhı mánine toqtalyp, ár daýystyń mańyzdy ekenin jáne ol joǵary azamattyq jaýapkershiliktiń aıqyn kórinisi sanalatynyn atap ótti.
«Búgin egemen elimiz úshin mańyzdy kún. Qazaqstannyń jańa Konstıtýsııasy jalpyulttyq referendýmǵa shyǵarylyp otyr. Bul rette azamattyq belsendilik aıryqsha mánge ıe. Sebebi, memlekettik bıliktiń birden-bir bastaýy – halyq. Sondyqtan referendýmǵa qatysyp, daýys berý – ár qazaqstandyq úshin óz quqyǵyn júzege asyryp, eldiń strategııalyq damý baǵdaryn aıqyndaýǵa úles qosatyn úlken múmkindik. Sondaı-aq bul referendým – Prezıdentimiz Qasym-Jomart Kemeluly Toqaevtyń «Halyq únine qulaq asatyn memleket» tujyrymdamasynyń is júzindegi jarqyn kórinisi. Iаǵnı, memlekettik mańyzǵa ıe sheshimder halyqtyń pikiri eskerile otyryp qabyldanady. Osyǵan oraı barlyq azamatty el erteńine beı-jaı qaramaı, referendýmǵa belsendi qatysyp, memlekettiń uzaqmerzimdi damýyn kózdeıtin máselege baılanysty óz tańdaýlaryn jasaýǵa shaqyramyz. Mundaı mańyzdy kezeńde ár daýys úlken ról atqarady jáne ol – joǵary azamattyq jaýapkershiliktiń belgisi», – dedi Máýlen Áshimbaev.
