Alǵashqylardyń biri bolyp tanymal akterler otbasy Azat Seıtmetov pen Danagúl Temirsultanova Qazaqstannyń bolashaǵy úshin tańdaý jasady. Shyǵarmashylyq jup áleýmettik jelide «biz óz tańdaýymyzdy jasadyq» dep foto jarııalady.
Atyraý oblysynda 100 jastaǵy tyl ardageri úıinde daýys berdi
Sonymen qatar, referendýmǵa akter Tuńǵyshbaı ál-Tarazı de qatysty. Akter óziniń Instagram akkaýntynda óz bıýlletenin jáshikke salǵany týraly shaǵyn vıdeo jarııalady. Qazaqstannyń Halyq ártisi Tuńǵyshbaı ál-Tarazı de referendýmnyń tarıhı mańyzdylyǵyna toqtaldy. Onyń aıtýynsha, bul oqıǵa memlekettiliktiń keleshegine tikeleı áser etedi.
«15 naýryz kúni elimizde úlken oqıǵa kútilip otyr. Bul bizdiń memleketimiz úshin erekshe mańyzǵa ıe. Biz jańa Konstıtýsııa qabyldaımyz. Halyq Ata zańnyń árbir babyna qatysty óz pikirin bildiredi», dep atap ótti ol.
Qazaqstannyń halyq ártisi Roza Rymbaeva da referendýmnyń mańyzdylyǵyn atap ótip, azamattardy belsendi bolýǵa shaqyrdy.
«15 naýryz – elimiz úshin mańyzdy kún. Kelip, óz tańdaýlaryńyzdy jasańyzdar», dedi Roza Rymbaeva.
Jazýshy Murat Dúısenbaev ta óziniń konstıtýsııalyq quqyǵyn paıdalanyp, áleýmettik jelilerde daýys bergen sátindegi fotosyn jarııalady.
Qazaqstannyń halyq ártisi Aıgúl Úlkenbaeva 15 naýryzdaǵy referendýmnyń tarıhı mańyzyn atap ótip, jańa Konstıtýsııa jobasynyń mádenıet pen ulttyq qundylyqtardy qorǵaýdaǵy erekshe róline toqtaldy.
«Ýaqyt qarqyndy ózgerip jatyr, biz oń ózgeristerdi kútemiz. Jańa Konstıtýsııa jobasynda ulttyq qundylyqtardy dáripteýge, tarıhı-mádenı murany qorǵaýǵa jáne shyǵarmashylyq erkindikke erekshe mán berilgen. Osynaý qajettiligi zor uǵymdardyń konstıtýsııalyq deńgeıge kóterilýi biz úshin asa mańyzdy», dedi ol.
Qazaqstannyń eńbek sińirgen qaıratkeri, óner ıesi Maral Anarbek el bolashaǵy eń aldymen birlikke baılanysty ekenin aıtty.
Jazýshy ári qoǵam qaıratkeri Smaǵul Elýbaev jańa Konstıtýsııanyń erekshelikterine toqtaldy. Onyń aıtýynsha, bul qujat halyqtyń qatysýymen ázirlengen.
Mádenıet pen óner ókilderiniń aıtýynsha, bul tek zań qabyldaý rásimi ǵana emes, qoǵamdy damytýǵa, ulttyq qundylyqtardy nyǵaıtýǵa jáne memlekettik ınstıtýttardyń jaýapkershiligin arttyrýǵa baǵyttalǵan mańyzdy qadam. О́ner qaıratkerleri bul úderiske árbir azamattyń belsendi qatysýy – el bolashaǵyn birlese qalyptastyrýdyń jarqyn kórinisi ekenin atap ótti.
