Kóńil aıtý jedelhattaryn joldady

Elbasy Nursultan Nazarbaev Germanııa Federaldyq kansleri Angela Merkelge Germanwings avıakompanııasy ushaǵynyń apatqa ushyraýyna baılanysty kóńil aıtý jedelhatyn joldady, dep habarlady Prezıdenttiń baspasóz qyzmeti. Jedelhatta Qazaqstan Prezıdenti ushaq apatynyń saldarynan Germanııa azamattarynyń qaza bolǵandyǵy týraly qaıǵyly habardy kúızele qabyldaǵany aıtylǵan. Nursultan Nazarbaev Qazaqstan halqynyń jáne jeke óziniń atynan Federaldyq kanslerge, qaza bol­ǵan­dardyń týystary men jaqyndaryna, sondaı-aq, barsha Germanııa halqyna kóńil aıtty. * * * Memleket basshysy Ispanııa Koroli VI Felıpege Germanwings avıakompanııasy ushaǵynyń apatqa ushyraýyna baılanysty kóńil aıtý jedelhatyn joldady. Jedelhatta ushaq apaty saldarynan Ispanııa azamattarynyń qaza bolǵandyǵy týraly habardy  Nursultan Nazarbaevtyń kúızele qabyldaǵany atap ótilgen. Elbasy Qazaqstan halqynyń jáne jeke óziniń atynan Ispanııa Koroline, qaza bolǵandardyń týystary men jaqyndaryna, sondaı-aq, barsha Ispanııa halqyna kóńil aıtty. * * * Elbasy Germanwings avıakompanııasy ushaǵynyń apatqa ushyraýy saldarynan qaza tapqan Qazaqstan azamattarynyń týǵan-týystary men jaqyndaryna kóńil aıtý jedelhatyn joldady. Jedelhatta ushaq apatynan qazaq­stan­dyq­tardyń qaza tapqany týraly habardy Mem­leket basshysynyń kúızele qabyldaǵany aıtylǵan. Nursultan Nazarbaev olardyń týǵan-týystary men jaqyndaryna Qazaqstan halqynyń jáne jeke óziniń atynan shyn nıetpen kóńil aıtty. Sondaı-aq, Memleket basshysy qaza tapqandardyń otbasylaryna qajetti kómek kór­setý, marqumdardyń máıitterin anyqtaý jáne Otanyna jetkizý jóninde Qazaqstan Res­pýb­lıkasynyń tıisti memlekettik organdaryna tapsyrma berdi.