Aımaqtar • Búgin, 08:30

Aqtútek boran ábigerge saldy

10 ret
kórsetildi
2 mın
oqý úshin

Ertis-Baıan óńirinde ótken aptada birneshe táýlikke ulasqan aqtútek borannyń saldarynan 300-ge jýyq mal qyryldy. Kóptegen eldi mekenge aıtarlyqtaı materıaldyq shyǵyn keldi. Eki qala men eki aýdan tabıǵı sıpattaǵy tótenshe jaǵdaı rejimin jarııalaýǵa májbúr boldy.

Aqtútek boran ábigerge saldy

Sýretti túsirgen – Valerıı BÝGAEV

Oblystyq tótenshe jaǵdaılar jónindegi komıssııa otyrysynda qolaısyz aýa raıynyń saldaryn joıý sharalary qaraldy. О́ńir ákimdigi atap ótkendeı, 9-12 naý­ryz aralyǵynda Pavlodar oblysy aýmaǵynda jyldamdyǵy sekýndyna 30 metrge deıin jetken soltústik-batys sıklony tirkelgen. Bul oblys aýmaǵynda túsken qardyń 80%-ǵa ulǵaıýyna ákelip soqtyrǵan. Qazgıdromettiń deregine sáıkes, keıbir jerlerde qardyń qalyńdyǵy 2-den 20 sm-ge deıin artqan. Aqtoǵaı, Sharbaqty aýdandarynda qardyń qalyńdyǵy 10-20 sm shamasynda tirkelip otyr.

Energetıka jáne turǵyn úı-kommýnaldyq sharýashylyq bas­qar­masynyń dereginshe, qolaısyz aýa raıy kezeńinde oblystyń 96 aýyldyq eldi mekeni elektr qýa­tynan apattyq jaǵdaıda ajy­ra­tylǵan. Qalpyna keltirý jumys­taryna 43 apattyq brıgada, 100-den astam maman tartylyp, elektrmen jabdyqtaý qysqa merzimde tolyqtaı qalpyna keltirildi.

«Tabıǵı apattyń saldarynan Ekibastuz qalasynda 75 kóp­qabatty turǵyn úıdiń, 9 áleý­­mettik nysannyń, bir ákim­shilik ǵımarattyń shatyry zaqymdandy. Qazirde ǵımarattarǵa tekserý júr­gizilip, keltirilgen shyǵyn kóle­mi naqtylanyp jatyr. Qala­da jergilikti aýqymdaǵy tabı­ǵı sıpattaǵy tótenshe jaǵdaı jarııalandy. Tabıǵı apattan zardap shekken jeke jáne zańdy tulǵalardan ótinishter qabyldaý jalǵasady», dep habarlady oblys ákimdiginen.

Aqsý qalasynda daýyl saldarynan 32 nysannyń, sonyń ishin­de turǵyn úıler men ınfraqu­rylym nysandarynyń shatyrlary zaqymdandanǵan. Atalǵan qalada, Baıanaýyl, Pavlodar aýdan­darynda da tabıǵı sıpattaǵy tótenshe jaǵdaı rejimi engizildi. Baıanaýyl aýdany aýmaǵynda ınfraqurylym nysandary men turǵyn úı qory búlingen. 38 aýyldyq eldi mekenniń 37-sinde elektr qýatynyń óshýi tirkeldi. Sonymen qatar borannyń saldarynan 198 bas usaq mal, 2 bas iri qara, 82 jylqy qyrylǵan. Qazir boranda yǵyp ketken 600-den astam qoı izdestirilip jatyr.

Elektr jaryǵynan ajyraý derekteri Aqtoǵaı, Aqqýly aýdan­darynda da tirkelgen. О́ńirlik tótenshe jaǵdaı departamentiniń aqparynsha, oblystaǵy 58 eldi meken sý tasqyny qaýpi bar aı­maqtarǵa jatqyzyldy. Búginde aýyldyq jerlerden 196 myń tonnadan astam qar shyǵaryldy.

 

Pavlodar oblysy 

Sońǵy jańalyqtar

«Jasyl» energııa – jahan úderisi

Energetıka • Búgin, 09:00

Ulys pen yrystyń negizi

Naýryznama • Búgin, 08:50

Qarlyǵash – qut-bereke rámizi

Naýryznama • Búgin, 08:45

Kemel áýletiniń kemeńgeri

Qoǵam • Búgin, 08:40

Jarys kúndeligi

Sport • Búgin, 08:35

Aqtútek boran ábigerge saldy

Aımaqtar • Búgin, 08:30

Zamanaýı medısınalyq nysandar

Aımaqtar • Búgin, 08:25

«Amanat» partııasynyń úndeýi

Partııa • Búgin, 08:22

Braıl qarpindegi Ata zań

Ata zań • Búgin, 08:20