Pákistan Premer-mınıstri memlekettik basqarý júıesi men ınstıtýsıonaldyq ornyqtylyqty odan ári nyǵaıtýǵa jáne halyqtyń ál-aýqatyn jaqsartýǵa baǵyttalǵan bul ýaqıǵanyń tarıhı mańyzyn atap ótti.
Shahbaz Sharıftiń aıtýynsha, búkilhalyqtyq daýys berý nátıjesi Qazaqstan azamattary Qasym-Jomart Toqaevtyń saıası jáne áleýmettik-ekonomıkalyq reformalaryn keńinen qoldaıtynyn kórsetti.
Toqaev: Jańa Konstıtýsııa Qazaqstannyń jańa dáýirine jol ashady
Memleket basshysy quttyqtaýy men referendým qorytyndysyn joǵary baǵalaǵany úshin Pákistan Premer-mınıstrine alǵys aıtty.
Qasym-Jomart Toqaev pen Shahbaz Sharıf eki el arasyndaǵy strategııalyq seriktestiktiń oń qarqynyna kóńilderi tolatynyn aıtty. Osy oraıda Prezıdenttiń bıyl aqpan aıynda Pákistanǵa jasaǵan memlekettik saparynyń nátıjesinde qol jetkizilgen ýaǵdalastyqtardy júzege asyrý barysy talqylandy.
Memleket basshysy men Pákistan Premer-mınıstri óńirlik jáne halyqaralyq kún tártibiniń ózekti máseleleri jóninde pikir almasty.
Eske sala keteıik, búgin elimizde jańa Konstıtýsııa qabyldandy. Osy tarıhı oqıǵa aıasynda memleket damýyna eleýli úles qosqan bir top azamat memlekettik nagradalarmen marapattaldy.
