Jıynda saýda jelilerinde ımport úlesiniń artýy, retrobonýstar men qosymsha qyzmetter úshin tólemderdiń kóbeıýi, sondaı-aq «kóleńkeli» ımporttyń kúsheıýi ishki naryqqa keri áser etip otyrǵany aıtyldy. Qatysýshylar qabyldanyp jatqan sharalar salanyń qazirgi syn-qaterlerine tolyq jaýap bermeıtinin jetkizdi.
AО́K keńesiniń tóraǵasy, Májilis depýtaty Nurjan Áshimbetov otandyq óndirýshilerdi qorǵaý memlekettik saıasattyń basymdyǵyna aınalýy qajet ekenin aıtty. Onyń oıynsha, sońǵy jyldary salalyq odaqtar ımporttyq ónimderdiń úlesi artyp kele jatqanyn kóterip júr. Iri saýda jelilerine marjasy joǵary taýarlardy ótkizý tıimdi bolǵandyqtan, kórshi elderde sýbsıdııalanatyn ónimder ishki naryqqa belsendi enip jatyr. Bul jaǵdaı ádil básekeni álsiretip, eldiń azyq-túlik qaýipsizdigine áser etýi múmkin. Depýtat óndirýshiler kótergen máseleler Parlament deńgeıinde qaralatynyn jetkizdi.
Qara altyn men qubylmaly naryq: Álemdik ekonomıka qaı baǵytqa bet aldy?
Jergilikti kásiporyndar saýda jelileriniń ónimdi sórege ornalastyrý úshin túrli tólemder talap etetinin aıtyp otyr. Básekelestikti qorǵaý jáne damytý agenttiginiń málimetinshe, birqatar saýda jelileriniń tabysynyń eleýli bóligi óndirýshilerge júktelgen qosymsha qyzmetter esebinen qalyptasady. Bul óndiris kóleminiń qysqarýyna jáne ınvestısııalyq múmkindiktiń shektelýine yqpal etýi yqtımal.
Salalyq odaqtar alıansy ókilderiniń pikirinshe, kórshi elderden keletin jetkizýshiler ishki naryqty ıgerý úshin dempıng tásilderin qoldanady. Sonyń saldarynan otandyq ónimniń básekege qabileti tómendeıdi. Alıans saýda jelileri tabysyn ashyq saýda ústemesi arqyly qalyptastyratyn teńgerimdi model qajet ekenin alǵa tartty.
Made in Kazakhstan: Otandyq taýarlardy shetel naryǵyna usynatyn platforma iske qosyldy
Jıynda «kóleńkeli» ımporttyń ulǵaıýy da alańdaýshylyq týǵyzatyny aıtyldy. Mamandar shekaradaǵy baqylaý tetikterin jetildirý, vedomstvolar arasyndaǵy úılestirýdi kúsheıtý qajettigin atap ótti.
Qatysýshylar halyqaralyq tájirıbe jergilikti óndirýshilerdi júıeli qoldaý ishki naryqtyń turaqtylyǵyn qamtamasyz etetinin kórsetetinin aıtty. Otandyq kásiporyndardy qoldaý ekonomıkalyq saıasattyń basym baǵytyna aınalyp, azyq-túlik qaýipsizdigin nyǵaıtýǵa qyzmet etýge tıis.
