Kezdesýde Sh.Mırzııoev eki memleket arasyndaǵy kópqyrly yntymaqtastyqtyń oń serpinmen damyp kele jatqanyn erekshe atap ótip, Qazaqstan men О́zbekstan arasyndaǵy odaqtastyq qatynastardy odan ári tereńdetýdiń mańyzdylyǵyna toqtaldy.
О́z kezeginde E.Kósherbaev Prezıdent Qasym-Jomart Toqaevtyń atynan jyly lebizi men izgi tilekterin jetkizip, joǵary jáne bıik deńgeılerde qol jetkizilgen ýaǵdalastyqtardy iske asyrý barysy týraly baıandady.
«Búginde qazaq-ózbek qatynastary halyqaralyq arenadaǵy senimdi ári uzaq merzimdi yntymaqtastyqtyń aıqyn úlgisi bolyp tabylady. Buǵan, eń aldymen, joǵary deńgeıdegi turaqty ári senimdi saıası dıalog yqpal etip keledi», dedi E.Kósherbaev.
Kezdesý barysynda óńirlik jáne halyqaralyq kún tártibiniń ózekti máseleleri de talqylandy.
Qazaqstan men О́zbekstannyń kópjaqty qurylymdar aıasyndaǵy ózara is-qımylynyń joǵary deńgeıi, sondaı-aq óńirlik kooperasııany odan ári damytýdyń, Ortalyq Azııadaǵy beıbitshilik pen turaqtylyqty nyǵaıtý jónindegi birlesken kúsh-jigerdiń mańyzdylyǵy atap ótildi.
