Sýret: primeminister.kz
Kezdesý barysynda taraptar básekelestik pen monopolııaǵa qarsy retteý salasyndaǵy ózara is-qımyl máselesin keńinen talqylady. Júıeli ózara is-qımyl qurý, úzdik tájirıbelerdi úırený men salalyq organdar arasyndaǵy yntymaqtastyqty damytý tásili qaraldy.
«Memlekettik satyp alýdy sıfrlandyrý, básekelestikti damytý jáne EAEO naryǵyna teń qol jetkizý bizdiń ózara is-qımylymyzdyń negizgi baǵyty bolyp qala beredi. Kedergilerdi joıýǵa jáne bıznestiń múmkindigin arttyrýǵa arnalǵan júıeli jumysty qurý mańyzdy», dep atap ótti S.Jumanǵarın.
Memlekettik satyp alý sheńberinde ózara taýar jetkizýdi arttyrý, sondaı-aq EAEO-ǵa múshe memleketter ónimderiniń odaq elderiniń naryǵyna shyǵýyna erekshe nazar aýdaryldy. Osy jónindegi ózara is-qımyl tetigin odan ári jetildirýdiń mańyzdylyǵy atap ótildi. Sondaı-aq aldaǵy V Eýrazııalyq ekonomıkalyq forým sheńberinde básekelestik jáne monopolııaǵa qarsy retteý týraly bloktyń is-sharalaryn daıyndaý men ótkizý máselesi aıasynda pikir almasty. Atap aıtqanda, memlekettik satyp alýdy sıfrlandyrý men jasandy ıntellekt tehnologııasyn paıdalaný, básekelestik saıasatta zamanaýı quraldardy qoldaný máselesine arnalǵan taqyryptyq sessııalar talqylandy.
«Eýrazııalyq ekonomıkalyq forým – biregeı alań. Halyqaralyq uıymdardyń, BRIKS, EYDU áriptesterin shaqyra otyryp, taqyryptyq seksııalardyń mazmunyn molaıtý mańyzdy. Bizde jyl saıyn Eýrazııalyq monopolııaǵa qarsy forým ótkizilse, básekelestik quqyq boıynsha bilim baǵdarlamalary da jumys isteıdi. Biliktilikti arttyrý maqsatynda da júıeli jumys qurylǵan. Biz yntymaqtastyqqa, tájirıbe men aqparat almasýǵa ázirmiz», dedi vıse-premer.
Kezdesý qorytyndysynda taraptar derekter almasyp, saraptamalyq ózara is-qımylǵa, kadrlyq áleýetti damytýǵa, yntymaqtastyqty odan ári nyǵaıtýǵa daıyn ekenin rastady.
