- Jarysta Batyrhan Tóleýǵalı (87 kg) týrnır chempıony atansa, Eldar Birimbaı (74 kg) kúmis medal ıelendi. Abylaıhan Mergenbaı (63 kg) men Beıbarys Qablanǵa (+87 kg) qola medal buıyrdy. Qyzdar arasynda Aıdana Qumartaeva (46 kg) kúmis medal, 53 kg salmaqta synǵa túsken Nodıra Ahmedova men Aıdana Súndetbaı, Marııa Sevostıanova (57 kg), Nazym Mahmutova (73 kg) qola júlde oljalady.
- Mońǵolııa astanasy – Ulanbatyrda bokstan Azııa chempıonaty jalaýyn jelbiretti. Qurlyq dodasynyń alǵashqy saıys kúninde rıngke shyqqan qyzdarymyzdyń joly bolmady. Jazıra Oraqbaeva (51 kg) birinshi aıqasynda Soltústik Koreıa eliniń ókili An Kým Bıolǵa ese jiberdi. 54 kg salmaqta synǵa túsken Elına Bazarova shırek fınalǵa shyǵar jolda úndistandyq Prıtıdiń qarymyna toıtarys bere almady. Rımma Volosenko da (60 kg) alǵashqy aınalymda súrinip, úndistandyq Prııa Prııadan utyldy. Erler arasynan 60 kg salmaqta saıysqa túsken Orazbek Asylqulov fılıppındik Pol Djýlıfer Baskondy úıine erte qaıtardy.
- Fılıppınniń Tagaıtaı qalasynda velosporttan Azııa chempıonaty ótip jatyr. Jerlesimiz Kırıll Kýrdıdı gıt saıysynda qurlyq chempıony atandy. Kúmis medal qytaılyq Han Sege, qola japon Reto Ichıdanyń enshisine jazyldy. Álisher Jumaqan toptyq saıys pen skretch synynda, Ramıs Dinmuhametov pen Ilıa Qarabutov medısonda kúmis medal ıelendi. Rınata Sultanova iz kesý tartysynda qola júlde oljalady.
