Shákirtteri maqtan tutqan

Búgingi óskeleń ur­paqqa jan-jaqty bilim berý ustazdardan talmaı eńbektenýdi jáne izdenýdi talap etedi. Sol senim bıiginen kórinip júrgen ustazdar az emes. Solardyń qatarynda professor Álmahan Begenuly da bar. Sanaly ǵumyrynyń basym bóligin ǵylymǵa arnaǵan ol óz ujymynyń, stýdent jastardyń qurmetine bólenip keledi. Onyń Qazaqstan ǵylymyna qosqan úlesi asa zor. Ásirese, elimizdiń dárilik ósimdikter ǵylymynyń damýyna kóp eńbek sińirdi. Álmahan Begenuly qazirgi kezde ál-Farabı atyndaǵy QazUÝ-de tabysty eńbek etip júr. Uly ál-Farabıdiń «Shákirtke ustaz tarapynan barynsha yntalylyq pen tabandylyq qajet. О́ıtkeni, bular, jurt aıtqandaı, tamshysymen tas tesetin beınebir sý tárizdi», degen sózi Álmahan Begenulyna baǵyshtalyp aıtylǵandaı. – Ol kisiniń minezi qataldaý kóringenmen, bylaıǵy kezde óte jaıdary, talapshyl ári shákirt júregine jol taba biletin jan. Álmahan aǵamyzdan tálim-tárbıe alýmen qatar, búginde bizder ǵylymnyń qyry men syryna úńilip, bıologııa ǵylymyna den qoıyp otyrmyz, – deıdi ǵylym kandıdattary B.Tynybekov pen T. Bazarbaeva. Álmahan Begenuly 1983 jyly «Ile Alataýynyń bıik deńgeıindegi ósimdikterdiń morfo-anatomııalyq ereksheligi» taqyrybynda kandıdattyq dıssertasııa qorǵaǵan soń, ózi oqyǵan qara shańyraq – Qazaq ulttyq ýnıversıtetiniń botanıka kafedrasyna oqytýshylyqqa keldi. Sodan beri osy joǵary oqý ornynda eńbek etýde. Tálimger aǵamyz bıologııa mamandyǵynyń stýdentterine de dáris oqyp, zerthanalyq sabaqtar júrgizedi. Elimiz egemendik alǵannan keıin qazaq bólimderindegi stýdentterge asa qajet oqýlyqtar daıarlaýǵa da tikeleı atsalysty. Onyń avtorlyǵymen 1994 jáne 2001 jyldary botanıkadan JOO-ǵa arnalǵan «О́simdikter morfologııasy men anatomııasy» oqýlyǵy jáne «Botanıka ter­mın­deriniń qysqasha orys­sha-qazaqsha sózdigi» ki­taptary jaryqqa shyqty. Sonymen qatar, ol zert­ha­nalyq jumystarǵa, dala­lyq oqý praktıkasyna, bólme ósimdikterin ósi­rýge arnalǵan birneshe oqý quraldary men nus­qaý­lyqtardyń, 80-nen as­tam ǵylymı maqalalardyń avtory. Ǵalym «Rızologııa» boıynsha Ve­nada, Tashkentte, Dýshanbede, Sankt-Peterbýrgte, Máskeýde, Tbılısıde jáne Almatyda ótken ǵylymı konferensııalar men sımpozıýmdarda baıandamalar da jasaǵan. Birneshe kandıdattyq dıssertasııaǵa ǵylymı jetekshi boldy. Álmahan Begenulynyń fa­kýl­tettegi qoǵamdyq jáne peda­gogıkalyq jumystary ýnıversıtet basshylyǵy tarapynan laıyqty baǵalanyp keledi. Ýnıversıtettiń úzdik tárbıeshi ustazy retinde ol Qurmet gramotasymen, Bilim jáne ǵylym mınıstrliginiń «Qazaqstan Respýblıkasynyń bilim berý isiniń úzdik qyzmetkeri» tósbelgisimen marapattalǵan. Sondaı-aq, ol Qazaqstan ulttyq jaratylystaný ǵylymdary akademııasynyń korrespondet múshesi bolyp saılandy. Ǵalym-ustaz sońǵy jyldary óziniń kásibı salasymen birge, qoǵamdaǵy ár alýan ekologııalyq, kógaldandyrý, ulttyq qundylyqtar, paraqorlyqpen kúres sııaqty ózekti máselelerge qatysty pikirlerin ashyq bildirip júr. Qoǵam tulǵany qanshalyqty jetildirse, jetilgen tulǵa qoǵamdy sonshalyqty dárejede damytady demekshi, qoǵam damýynda bilim men ǵylymdy birdeı alyp júrý keleli de mańyzdy másele ekendigi aıqyn. Elbasy búginde oqytýshylar aldyna úlken jaýapkershilik júktedi. Bizder ustazymyz Á. Begenulymen birge sol senimdi aqtaý jolynda eńbek etip kelemiz. Gúljanat MUQANOVA, ál-Farabı atyndaǵy QazUÝ geografııa jáne  tabıǵatty paıdalaný fakýltetiniń aǵa oqytýshysy,  bıologııa ǵylymdarynyń kandıdaty. ALMATY.