О́rtengen «Adem» saýda ortalyǵynyń shyǵyny anyqtaldy

ALMATY. 19 mamyr. «Adem» saýda ortalyǵynyń órtten keıingi shyǵyny kólemi 5,3 mıllıard teńgege baǵalandy. Jýrnalıstermen ótkizgen baspasóz máslıhatynda «Evrazııa» saqtandyrý kompanııasy aksıonerlik qoǵamy basqarmasynyń tóraǵasy Borıs Ýmanov osyndaı málimdeme jasady. Bul týraly egemen.kz habarlady. Alaıda, ǵımarattyń órtengen bóliginiń shyǵyn quny maýsym aıynda belgili bolady. О́rt jalyny 25 myń sharshy metrdi qamtyǵan. Bas saqtandyrýshy anyqtalǵan barlyq shyǵyn somasynyń 900 mıllıony óndiristegi úzilis úshin tólenedi, dedi. Jalpy somanyń jyl boıy beriletinin eskertken saqtandyrýshy, onyń ózinde de qarajat tek qana ǵımarat úshin aýdarylatynyn eskertti. Munyń ishine ǵımaratty jalǵa alýshylardyń órtengen taýarlary kirgen joq. Borıs Ýmanov: «Bizdiń kompanııaǵa osy órt bolardyń aldynda ǵana birneshe adam kelip, taýarlaryn saqtandyrǵan. Barlyǵy – jeti adam, biz solarǵa tıesili 10 mıllıon shyǵyndy jabamyz» dedi. Talǵat Súıinbaı. Derek, sýret: egemen.kz.