Májilis Tóraǵasy Qabıbolla Jaqypov Reseı Federasııasynyń Qarjylyq monıtorıng jónindegi federaldy qyzmetiniń basshysy Iý. Chıhanchındi qabyldady, dep habarlady Májilistiń baspasóz qyzmeti.
Q.Jaqypov Reseı Qazaqstannyń strategııalyq áriptesi ekenin sóz ete kelip, eki el basshylary kelisimderiniń arqasynda yntymaqtastyqtyń jyl saıyn qarqyn alyp kele jatqanyn atap ótti.
О́z kezeginde Iý.Chıhanchın eki el áriptestiginiń bolashaǵy zor ekenin, Qazaqstan Prezıdenti usynǵan 5 ınstıtýttyq reformanyń bizdiń elimizdiń damyǵan 30 eldiń qataryna kirý jolyndaǵy naqty qadam-
dardyń biri ekenin atap ótti.
Q.Jaqypov pen Iý.Chıhanchın qos memlekettiń ekonomıkalyq qaýipsizdigin qamtamasyz etý máselelerine aıryqsha kóńil bólip, osy saladaǵy normatıvtik-quqyqtyq bazany odan ári jetildirýdiń mańyzdylyǵyna toqtaldy.
Májilis Tóraǵasynyń atap ótkenindeı, Qazaqstanda 2009 jyldan «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qyrjylandyrýǵa qarsy is-qımyl týraly» Zań qoldanysqa engizilgen.
Qazirgi ýaqytta Májiliste osy zańǵa túzetýler engizýdi kózdeıtin, sondaı-aq, memlekettik aýdıt pen qarjylyq baqylaýǵa qatysty zań jobalarymen jumys jalǵasýda. Sondyqtan, taraptar ózara tájirıbe almasyp, osy baǵytta sapaly zań jobalaryn daıyndaýǵa erekshe nazar aýdaratyn bolady.
Kezdesýge, sondaı-aq, Májilis Tóraǵasynyń orynbasary Darıǵa Nazarbaeva, Qarjy jáne bıýdjet komıtetiniń tóraıymy Gúljan Qaraǵusova qatysty.
