ASTANA. Bokstan Qazaqstan ulttyq qurama komandasy Taılandtyń Bangkok qalasynda ótip jatqan Azııa chempıonatyna qatysyp jatyr. Bul týraly egemen.kz tilshisi habarlady.
Jarystyń ekinshi kúni 49 kılo salmaqqa deıingi dárejede Temirtas Júsipov pen 60 kılo salmaqtaǵy Zakır Safıýllın 1/8 fınalǵa shyqty. Temirtas shrı-lankalyq Thıvanka Pallehany jeńse, Zakır qytaılyq Jýn Shendi utty. Sóıtip, Qazaqstan quramasynan 1/8 fınalda óner kórsetetin boksshylar sany toǵyzǵa jetti.
Basqa jeti bylǵary qolǵap sheberimiz birden kelesi aınalymǵa ótti. Olar – Qaırat Eralıev (56 kg), Samat Bashenov (64 kg), Danııar Eleýsinov (69 kg), Jánibek Álimhanuly (75 kg), Ádilbek Nııazymbetov (81 kg), Vasılıı Levıt (91 kg) pen Ivan Dychko ( 91 kg-den joǵary).
Qazaqstan quramasynyń taǵy bir boksshysy Oljas Sáttibaev (52 kg) 1/8 fınalǵa shyǵý alań ıesi Tanes Ongdjýntamen qolǵap túıistiredi.
Olımpıada aldynda Azııa chempıonatynyń boksshylarymyz úshin mańyzy zor. О́ıtkeni, osy synda kórsetken nátıjesi, reıtıngi Olımpııa oıyndaryna joldama beretin álem chempıonatynda mańyzdy ról atqaratyn bolady.
Dastan Kenjalın.
Derek, sýret: Qazaqstan boks federasııasy.
