Delegasııa quramyna Respýblıkalyq saılaýaldy shtabtyń jetekshisi, partııa Tóraǵasynyń birinshi orynbasary Asqar Myrzahmetov, «Atameken» UKP basqarma tóraǵasynyń orynbasary Nurjan Áltaev, «Astana Opera» teatrynyń jetekshi solısi Maıra Muhamedqyzy, «Qazaqstannyń múgedekter konfederasııasy» RQB prezıdenti Jannat Omarbekova, Parlament Májilisiniń V shaqyrylym depýtattary Nurtaı Sabılıanov, Janat Jarasov, Halyq Qaharmany Baqytjan Ertaev, Qazaqstan Respýblıkasynyń eńbek sińirgen jattyqtyrýshysy Dáýlet Turlyhanov jáne basqalary endi. Kolledjdiń aǵylshyn tili pániniń muǵalimi Nurlan Urynbaeva bylaı dedi: «Men óz azamattaryna esh aqysyz mamandyq berip, bilikti de bilimdi kásip ıesi bolyp qalyptasýyna jaǵdaı jasap otyrǵan álemde birde-bir eldi kórgen emespin». «Tegin kásiptik-tehnıkalyq bilim berýdiń arqasynda bizde bos júrgen jastar bolmaıdy. Bul – óte durys sheshim. Biz «Nur Otanǵa» daýys bere otyryp, Prezıdentimizdiń sarabdal saıasatyn qoldaımyz», – dedi kolledj dırektorynyń orynbasary Gúlnaz Esembaeva. Jıynda bıyl álemdegi eń úlken ıadrolyq polıgonnyń jabylǵanyna 25 jyl tolǵany da nazardan tys qalǵan joq. «Nursultan Nazarbaevtyń Semeı polıgonyn jabý týraly Jarlyqqa qol qoıǵanyna shırek ǵasyr boldy. Bizdiń Kóshbasshymyz áli kúnge deıin ıadrolyq qarýdan óz erkimen bas tartqan álemdegi jalǵyz el sanalady», – dedi B.Tileýhan. Semeı qalasyndaǵy avtokólik pen aýyl sharýashylyǵy tehnıkalaryn shyǵaratyn «SemAZ» JShS eńbek ujymymen kezdesýde shtab músheleri Elbasynyń ındýstrııalyq-ınnovasııalyq damý, Qazaqstandy álemniń damyǵan elderi qataryna qosýǵa múmkindik beretin ekonomıkany jańa qaǵıdattarǵa kóshirý jónindegi bastamalaryn júzege asyrý boıynsha alǵa qoıǵan tapsyrmalary týraly baıandady. Sapar sońynda saılaýaldy shtab músheleri Semeıdiń ardagerler jáne patrıottyq uıymdar belsendilerimen kezdesip, «100 naqty qadam» Ult Jospary baǵdarlamasyna, jastardy patrıottyq tárbıeleý, kópultty qazaqstandyq qoǵamdy elimizdiń gúldenýi men ıgiligi úshin biriktirý máselelerine nazar aýdardy.
Asqar TURAPBAIULY, «Egemen Qazaqstan». Semeı.
