Fıdjı araldarynda tabıǵat apatynan 42 adam qaza tapty

ASTANA. 24 aqpan. Fıdjı araldarynda soqqan tropıkalyq «Ýınston» daýyl jeliniń saldarynan qaza tapqandar sany 42 adamǵa jetti. Bul týraly TASS aqparat agenttigine silteme jasaǵan egemen.kz tilshisi habarlady. Meteorologtar joıqyn daýyldyń jyldamdyǵy 325 shaqyrymdy quraǵanyn, al muhıt tolqyndarynyń bıiktigi 12 metrge deıin kóterilgendigin anyqtady. Sıklonnyń eń joǵarǵy kórsetkishi 5 dárejesi tirkeldi. Mamandar Fıdjı tarıhynda buryn-sońdy mundaı tabıǵat apatynyń bolmaǵanyn aıtty. Fıdjıdiń premer-mınıstri Voreke Baınımarama sıklonnyń saldarynan kóptegen turǵyn úılerdiń qırap qalǵanyn málimdedi. Sońǵy málimetter boıynsha, 13 myńnan astam adam baspanasyz qalǵan. Olar qazirgi kezde arnaıy oryndarda kúneltip jatyr. Memlekettiń 70 paıyzy ornalasqan Vıtı-Levý aralynda mynan asa úı qırap qalǵan bolsa, 60 mektepke zaqymdanǵan. «Ýınston» kóptegen eldi-mekenderdi jermen-jeksen etti. Apat bolǵan aımaqtarda kóbine tómengi aýdandardyń halqy zardap shekti. Adam shyǵyny áli de artýy múmkin degen boljam bar. Fıdjı Respýblıkasy Tynyq muhıtynyń ońtústiginde ornalasqan 300-ge jýyq araldardan quralǵan memleket. Alaıda onyń júzge jýyǵynda eshkim turmaıdy. Halqynyń sany 890 myń. Aýmaǵy 18333 sharshy shaqyrym. Aıan Ábdýálı. Derek, sýret: TASS.