Jańa áýe joly

Shymkenttik SCAT avıakom­panııasy naýryz aıynan bas­tap Almaty – Sharm-el Sheıh – Almaty baǵytyndaǵy áýe qa­ty­nasyn ashýdy josparlap otyr. Kóne Mysyr eline áýe keńistigi ashylatyndyǵy jóninde Investısııalar jáne damý mınıstrliginiń baspasóz qyzmeti osylaı dep habarlady. О́z kezeginde Fly Egypt áýe kompanııasy Qazaqstanǵa naýryz aıynan bastap aptasyna eki ret turaqty reıster ushyrýdy kózdeýde. Qazaqstannyń Azamattyq avıasııasy qajetti qujattaryn rásimdegennen keıin avıakom­panııaǵa otyz kún aralyǵynda ruqsat beriledi. Búginde eki el arasyndaǵy áýe keńistigi qaýipsizdik máselelerin sheshý maqsatynda Qazaqstan týrıstik qaýymdastyǵynyń qatysýymen birlesken jumystar júrgizip jatyr. Áýe keńistiginiń qaýipsizdik júıesi Sharm-el-Sheıh ha­lyq­aralyq áýejaıy barlyq talap­tarǵa saı degen qorytyndyǵa keldi. Oqyrmanǵa túsinikti bolý úshin artqa sheginsek, ót­ken jyldyń qazan aıynyń so­ńynda Mysyr jerinde Reseı ushaǵy apatqa ushyraǵannan keıin Qazaqstan men Egıpet ara­synda qatynaıtyn avıakom­panııalardyń qyzmeti toqtaǵan bolatyn. Búginde qursaýdaı qysqan seń buzyldy. «Barmasań kelmeseń, jat bolasyń», deıdi halyq da­nalyǵy. Onyń ústine, arab kásip­kerleri Qazaqstanǵa iri kólemde ınvestısııa salýda. Sondyqtan Qazaqstanǵa qushaǵy ashyq elmen qaıtadan baılanys ornatýdyń mańyzy zor.  Baqtııar TAIJAN, «Egemen Qazaqstan». Ońtústik Qazaqstan oblysy.