Innovasııalyq ortany damytý tásilderi

qazaqstandyq memlekettik qyzmetkerler nazaryna usynyldy Astanadaǵy memlekettik qyzmet salasyndaǵy óńirlik hab BUU-nyń Damý baǵdarlamasymen birlese otyryp, jaýapty memlekettik qyzmetshilerine arnalǵan «Innovasııalyq ortany ilgeriletý» taqyrybynda semınar ótkizdi. Oǵan Investısııalar jáne damý mınıstrligi, Ulttyq ekonomıka mınıstrligi, Bilim jáne ǵylym mınıstrliginiń ınnovasııalyq damý máselelerinen mamandar qatysty. Astanadaǵy memlekettik qyzmet salasyndaǵy óńirlik hab basqarýshy komıtetiniń tóraǵasy Álıhan Baımenov pen Qazaqstandaǵy BUU Damý baǵdarlamasynyń turaqty ókiliniń orynbasary Mýnhtýıa Altangerel semınardy ashyp, jyly lebizderin bildirdi. Semınarda Damý baǵdar­lamasynyń Eýropa jáne TMD elderi boıynsha Ystambuldaǵy óńirlik ortalyǵynyń ınnovasııalar boıynsha mamany Mılısa Begovıch Ra­doevıch pen halyqaralyq Nesta aǵa menedjeri Djýlıo Kýad­jıotto ınnovasııalyq ortany qurý jáne ony ilgeriletý tásilderin, osy saladaǵy ǵalamdyq zamanaýı úderister týraly baıandady. Bulardyń sońǵysy álemniń kóptegen memleketterine, onyń ishinde Ulybrıtanııanyń uıymdary men memlekettik mekemelerine ınnovasııa boıynsha keńes beretin kompanııa bolyp tabylady. Semınarda ınnovasııalyq tendensııalar, olardy anyq­taý joldary men damý maq­satynda olardy qoldaný, túr­li bıznes-modelderdi tú­si­ný, ınnovasııalyq qyzmet túri retinde granttar berý meha­nızmderi, baǵdarlama jáne joba qyzmetinde ınnovasııalyq quraldardy qoldaný tásilderi talqylandy. Rýslan IGILIK.