Kelisim kókjıegi keńeıedi

Qazaqstan Prezıdenti janyn­daǵy Ortalyq kommýnıkasııalar qyzmetinde «Qazaqstandyq mem­leket-jekemenshik áriptestigi or­ta­­lyǵy» AQ basqarma tóraǵasy Azamat Oınarovtyń jáne atalǵan orta­lyq­tyń bas­qarýshy dırektory Aıdos Kóbetovtiń qatysýymen brı­­fıng ótti. Olar atalǵan sala­nyń da­mýy jáne qazirgi jaı-kúıi týraly áńgimelep berdi. «Qazaqstandyq memleket-jekemenshik áriptestigi ortalyǵy» AQ basqarma tóraǵasy Azamat Oınarov 2015 jyldyń 11 qarashasynda Elbasynyń «Memleket-jekemenshik áriptestigi týraly» Qazaq­stan Respýblıkasynyń Zańyna qol qoı­ǵanyn, al osy jyldyń 15 aqpanynda normatıvtik aktiler zańdyq turǵyda óz kúshine enge­nin, sonyń negizinde mem­le­ket-jekemenshik salasynyń qazaq­standyq modeli ázirlengenin jet­kizdi. «Bizdiki bir jaǵynan ara­las model desek te bolady. Sebe­bi, biz eýropalyq modelden bó­lek, Ońtústik Koreıanyń mode­lin de eskerip, saraladyq. Qazir bul baǵyttaǵy kóptegen joba jú­zege asyrylýda», dedi A.Oınarov. Onyń aıtýynsha, jańa zańna­ma­nyń tetikterin paıdalaný mem­le­ket jáne bıznestiń ózara áreket­tesýiniń jańa úlgilerin engizýge múmkindik beredi, osylaısha, onyń árbir óńirde, jalpy res­pýblıka kóleminde turaqty áleýmettik-ekonomıkalyq turǵyda damýyn qamta­masyz ete alady. «Iаǵnı, «Memleket-je­ke­­­menshik áriptestigi týraly» zań­nyń ne­gizgi maqsaty – qoljetimdilik deń­geıin jáne qoǵam­dyq ıgilik pen qyzmet­terdiń sapa­syn arttyrý úshin resýrstar­dy birik­tirý arqyly memleket pen jeke­men­shik ara­syndaǵy uzaq merzimdi ynty­maq­tastyqty qalyptastyrý jáne nyǵaıtý», dedi basqarma tóraǵasy. Al «Qazaqstandyq memleket-jeke­menshik áriptestigi ortalyǵy» AQ bas­qarýshy dırektory Aıdos Kóbetov jańa zańnyń qabyldanýyna, oǵan sáıkes jańa múmkindikterdiń ashylýyna baılanysty jeke tarap memleket-jekemenshik áriptestigin damytýǵa baılanysty úlken qyzýǵyshylyq tanytyp otyrǵanyna toqtaldy. «Zań qabyldanǵannan bergi 3 aıdyń ishinde «Qazaqstandyq memleket-jekemenshik áriptestigi ortalyǵy» AQ-ta 290-ǵa jýyq kezdesý ótti. Onyń 70 paıyzdan astamy jeke taraptardyń usynysy jáne jeke taraptarmen tikeleı júrgizilgen kelissózder negizinde júzege asty. Olar ártúrli jobalar usynyp otyr. Máselen, memlekettik organdar kóbine áleýmettik, ınfraqurylymdyq salalardaǵy jobalardy damytýǵa qyzy­ǵýshylyq tanytatyn bolsa, jeke taraptar IT-tehnologııalar salasyna, ıaǵnı aqparatttandyrý men avtomattandyrýǵa, budan bólek, qorshaǵan ortany qorǵaýǵa, energetıkany damytýǵa, onyń ishinde, elektr energııasyn utymdy paıdalanýǵa qatysty jobalardy keńinen qolǵa alýǵa nıet tanytyp otyr, dedi A.Kóbetov. Brıfıng barysynda «Qazaq­standyq memleket-jekemenshik áriptestigi orta­lyǵy» AQ ókil­deri qazirgi tańda Qazaq­standa 102 memleket-jekemenshik árip­testigine qatysty ártúrli jobalardyń daıyndalyp jatqanyn, olardyń 8-i respýb­lıkalyq, al 94-i jergilikti deńgeı­lerde ekenin jetkizdi. Olardyń piki­rin­she, memleket-jekemenshik áriptestigi tetik­teri daǵdarys kezeńi men memlekettik sektorda júrgiziletin qatań únemdeý sharalary kezinde de áleýmettik-ekonomıkalyq sektordy damytýdy jalǵastyrýǵa múmkindik beredi. Láıla EDILQYZY, «Egemen Qazaqstan».