Basty strategııalyq baǵytymyz

Kúndelikti ómirdegi árbir is jospardan bastalady. Josparsyz jasalǵan istiń nátıjeliligi de az. Osyndaı bir aýqymdy jos­par Elbasymyzdyń bastamasymen halyqqa qaraı jol tartqan «100 naqty qadam» Ult Jospary» strategııalyq qujaty. Qujatpen tanysqan árbir qa­zaq­standyq azamattyń boıynda bola­shaǵyna degen úlken senim oıanady. Sebebi, Elbasymyzdyń kó­re­­­gendigi bul qujatta da kórinis tapqan. 5 ınstıtýttyq reformany iske asyrý boıynsha jasalǵan 100 qa­damnyń bizdiń basty stra­tegııalyq baǵytymyzǵa aınalýy – eldiń me­reıin ústem etetini anyq. Biz, jas­­­­tar, árqashan Elbasynyń sarabdal saıasatynyń qoldaýshylarymyz. Sebebi, óskeleń urpaqty mindetti túrde eldiń bolashaǵy alańdatady. Qazirgi tańda álemde, qala berdi elimizde bolyp jatqan túrli saıası oqıǵalar qarapaıym halyqty da oılandyrmaı qoımaıdy. Elbasymyz óziniń árbir sóı­legen sózinde eldiń birligi men halyqtyń tutastyǵy jaıynda oı qozǵaıdy. «Birligi myqty el ozar» degen sóz Máńgilik Eldiń basty qaǵıdasyna aınalýy tıis. 100 naqty qadamnan turatyn Ult Josparynda turaqtylyqty saq­taý men halyq dostyǵyn damytý bas­ty min­detterdiń biri retinde qaras­­tyryl­ǵan. Osydan 8 jyl buryn Elba­sy­myzdyń tikeleı bastamasymen qurylǵan «Jas Otan» jas­tar qanaty búgingi tańda elimizdegi ár­túrli ult ókilderi jastarynyń basyn biriktirgen eń iri jastar uıy­myna aınaldy. Jasotandyq jastar tarapynan byltyr Assambleıa jylyn atap ótý barysynda túrli is-sharalar uıymdastyryldy. Bizdiń basty qundylyǵymyz – Táýelsizdik. Bıylǵy jyl Eli­miz úshin eń erekshe jyldardyń bi­ri. Elimiz erkindik alyp, týymyz tu­ǵy­ryna qonǵanyna 25 jyl. Ju­myla kótergen júk jeńil de­mekshi, táýelsizdik jolynda aıanbaı eńbek etken aǵa býyn ókilderiniń izin jalǵap, eldiń damýyna úles qosqysy keletin barlyq jasty bizdiń qatarymyzǵa shaqyramyz. Táýelsizdigimiz tuǵyrly, eldigimiz ǵumyrly bolsyn!  Nurǵalı JOLDASQALIEV,  «Jas Otan» jastar qanatynyń Batys Qazaqstan oblystyq fılıalynyń tóraǵasy. Oral.