Bes til biletin ájeı

Qostanaı qalasynda bes til biletin Marfýǵa Seltekenova esimdi ájeı turady. Ol 1902 jyly Reseıde týyp, keıin Qostanaı oblysynyń Meńdiqara aýdanyna kóship kelgen. Bıyl 114 jasqa tolǵan keıýana áli kúnge deıin kitap oqyp, án salady. Marfýǵa ájeı bala kezinde medresede dinı saýatyn ashyp, ana tilimen qatar orys, arab, bash­qurt, tatar tilderin úırengen. Sol kezden beri bes tildiń bireýin de áli umytqan emes. Ájeıdiń qyzy Jibek Qurmanovanyń aıtýynsha, anasy ómirdiń barlyq qıynshylyqtaryn kórgen. О́tken ǵasyrdyń 30-shy jyldaryndaǵy qıyn-qystaý kezde alǵashqy qosa­ǵynan erte aıyrylyp, shıetteı tórt balasymen qalǵan eken. Sodan ekinshi ret turmys quryp, taǵy alty bala súıip, eki balany ba­ýyry­na basqan. Biletinderdiń aıtýynsha, Mar­fýǵa ájeıdiń shańyraǵy osy aı­maqtaǵy eń qadirli, syıly otbasy. Aýylǵa kelgen qonaqtar attan túsip, keıýananyń úıine arnaıy kelip, amandasyp ketedi eken. Qazir Marfýǵa Seltekenovanyń bes balasynyń kózi tiri. Onyń nemere, shóbere, shópsheginiń ózi alpysty alqymdaǵan. Olar Qazaqstannyń barlyq óńirine taraǵan. Ájeıdiń urpaǵy Dýbaıda, Aqtaýda, Almatyda, Shymkentte, Chelıabide, Astanada, О́skemende tu­rady. Bir kúni qyzy Jibek anasynan uzaq ómir súrýdiń syryn surasa, «qalqam men eshqashan eshkimniń ala jibin attaǵan emespin. О́mir boıy taza júrdim. Tabıǵı, ulttyq taǵam­men tamaqtandym. Bárine sabyr saqtadym, kóp eńbektendim, aınalama meıirimmen qaradym. Meniń uzaq ja­saýymnyń syry osy», degen eken. Dastan JUMABEKULY